الماتىدا قار جاۋادى
«قازگيدرومەت» رمك 7 اقپانداعى كۇن رايى بولجامىن جاريالادى، دەپ حابارلايدى Almaty-akshamy.kz.
قازاقستان اۋماعىنىڭ باسىم بولىگىندە، سولتۇستىك-باتىس سيكلون جىراسىنىڭ جانە ونىمەن بايلانىستى اتموسفەرالىق اعىنداردىڭ اسەرىنەن جاۋىن-شاشىن (جاڭبىر، قار) بولادى، وڭتۇستىكتىڭ تاۋلى اۋداندارىندا نوسەر جاۋىن بولادى. كەي جەرلەردە كوكتايعاق بولىپ، تۇمان تۇسەدى، جەل كۇشەيۋى ىقتيمال.
تۇركىستان وبلىسىنىڭ سولتۇستىگىندە، باتىسىندا تۇمان ءتۇسىپ، كوكتايعاق بولادى، وبلىستىڭ باتىسىندا، سولتۇستىگىندە، تاۋلى، تاۋ بوكتەرلى اۋدانداردا جەلدىڭ جىلدامدىعى سەكۋندىنا 15-20 مەترگە، تۇندە جانە تاڭەرتەڭ ەكپىنى 23 م/س-كە جەتەجى.
الماتى وبلىسىنىڭ سولتۇستىگىندە، وڭتۇستىگىندە، شىعىسىندا تۇمان ءتۇسىپ، كوكتايعاق بولادى، وبلىستىڭ وڭتۇستىگىندە جانە سولتۇستىك-شىعىسىندا جەل كۇشەيى، جىلدامدىعى سەكۋندىنا 17-22 م/س-كە جەتەدى.
جامبىل وبلىسىنىڭ وڭتۇستىك-باتىسىندا، سولتۇستىك-شىعىسىندا جانە تاۋلى اۋداندارىندا كوكتايعاق بولىپ، وبلىستىڭ سولتۇستىگىندە، تاۋلى جانە تاۋ بوكتەرلى اۋداندارىندا تۇمان ءتۇسىپ، تۇندە سولتۇستىك-شىعىستا، وڭتۇستىك-باتىستا جانە تاۋلى اۋدانداردا جەلدىڭ جىلدامدىعى سەكۋندىنا 15-20 مەترگە جەتەدى، وبلىستىڭ وڭتۇستىك-باتىسىندا ەكپىنى 23-28 م/س بولادى.
قىزىلوردا وبلىسىنىڭ سولتۇستىگىندە، ورتالىعىندا تۇمان ءتۇسىپ، جەلدىڭ جىلدامدىعى سەكۋندىنا 15-20 مەترگە جەتەدى. تۇندە سولتۇستىكتە، شىعىستا كوكتايعاق، بۇرقاسىن بولادى.
تۇندە اقمولا وبلىسىنىڭ باتىسىندا، وڭتۇستىگىندە، كۇندىز باسىم بولىگىندە جاياۋ بۇرقاسىن سوعىپ، كۇندىز وبلىستىڭ وڭتۇستىك-باتىسىندا جەلدىڭ جىلدامدىعى سەكۋندىنا 15-20 مەترگە جەتەدى.
اقتوبە وبلىسىنىڭ وڭتۇستىك-شىعىسىندا، سولتۇستىك-باتىسىندا جانە ورتالىعىندا جاياۋ بۇرقاسىن بولىپ، وبلىستىڭ سولتۇستىگىندە تۇمان تۇسەدى، وبلىستىڭ ورتالىعىندا، وڭتۇستىك-شىعىسىندا جەلدىڭ جىلدامدىعى سەكۋندىنا 15-20 مەترگە جەتەدى.
باتىس قازاقستان وبلىسىنىڭ شىعىسىندا كوكتايعاق بولىپ، وبلىستىڭ سولتۇستىگىندە تۇمان تۇسەدى.
قوستاناي وبلىسىنىڭ وڭتۇستىگىندە، باتىسىندا جەل 15-20 م/س كۇشەيىپ، جاياۋ بۇرقاسىن بولادى، وبلىستىڭ شىعىسىندا تۇمان تۇسەدى.
كۇندىز سولتۇستىك قازاقستان وبلىسىنىڭ وڭتۇستىك-باتىسىندا جاياۋ بۇرقاسىن بولادى. تۇندە قاراعاندى وبلىسىنىڭ باتىسىندا، وڭتۇستىگىندە، ورتالىعىندا، كۇندىز باتىسىندا، سولتۇستىگىندە، شىعىسىندا جاياۋ بۇرقاسىن، وبلىستىڭ باتىسىندا جانە ورتالىعىندا جەلدىڭ جىلدامدىعى سەكۋندىنا 15-20 مەترگە جەتەدى.
شىعىس قازاقستان وبلىسىنىڭ وڭتۇستىك-باتىسىندا جەلدىڭ جىلدامدىعى سەكۋندىنا 17-22 مەترگە جەتەدى، كۇندىز وبلىستىڭ وڭتۇستىگىندە جاياۋ بۇرقاسىن بولادى.
اتىراۋ وبلىسىنىڭ سولتۇستىك-شىعىسىندا تۇمان تۇسەدى. ماڭعىستاۋ وبلىسىنىڭ باتىسى مەن سولتۇستىك-شىعىسىندا كوكتايعاق كۇتىلەدى، وبلىستىڭ سولتۇستىگىندە جەلدىڭ ەكپىنى 15-20 م/س دەيىن كۇشەيۋى كۇتىلەدى.