المالى اۋدانىندا جايلى قالالىق ورتا قۇرۋ جۇمىستارى قارقىندى تۇردە جالعاسۋدا.
اكىمدىك 69 اۋلا اۋماعىنا جوندەۋ جۇمىستارىن جۇرگىزبەك. اتاپ ايتقاندا، 19 اۋلاعا كۇردەلى جوندەۋ جۇمىستارىن جۇرگىزسە، 50 اۋلانى اعىمداعى جوندەۋدەن وتكىزۋدى جوسپارلاپ وتىر. سونىمەن قاتار 47 از قاباتتى تۇرعىن ءۇيدىڭ قاسبەتىنە اعىمداعى جوندەۋ جوسپارلانعان. بۇگىنگى تاڭدا 4 ءۇيدىڭ قاسبەتى جوندەلگەن. ال قالعاندارى شىلدە ايىنىڭ سوڭىنا دەيىن اياقتالادى، دەپ حابارلايدى Almaty-akshamy.kz.
«20 ماۋسىمعا دەيىن كۇلاش بايسەيىتوۆا اتىنداعى جاياۋ جۇرگىنشىلەر كوشەسىن جايلاستىرۋ اياقتالادى. ءاليا جانە مانشۇك سكۆەرىن اباتتاندىرۋ مەن رەكونسترۋكسيالاۋدى باستاپ، وسى جىلدىڭ سوڭىنا دەيىن اياقتاۋ جوسپارلانۋدا.
جالپى، وسى جىلدىڭ ءساۋىر ايىنان باستاپ اكىمدىك جاسىل ايماقتىڭ ءبارىن اۆتوماتتى سۋارۋ جۇيەسىمەن جابدىقتاپ، دۇيسەنوۆ اتىنداعى جاياۋ جۇرگىنشىلەر كوشەسى مەن 7 سكۆەردى مودەرنيزاسيالاۋ جانە كوگالداندىرۋ جۇمىستارىن باستادى»، - دەدى قالا باسشىسى اۋدان تۇرعىندارىمەن كەزدەسۋىندە.