پەريزات قايرات ءىسى بويىنشا سوتتا پروكۋرور ايىپتالۋشى قوعام بەلسەندىسىنىڭ ۇرلانعان ءىرى سوماداعى قاراجاتتى قايدا جۇمساعانىن ايتىپ بەردى، - دەپ حابارلايدى اqshamnews.kz ءتىلشىسى.
پروكۋرور ءبىرقاتار دەرەكتەردى جاريا ەتتى. ونىڭ ايتۋىنشا، قىلمىستىق جولمەن الىنعان اقشانى زاڭداستىرىپ بولعان سوڭ، پەريزات قايرات پەن اناسى بۇل قاراجاتتىڭ ءبىر بولىگىن زاڭدى اينالىمعا ەنگىزىپ، قىمبات جىلجىمايتىن مۇلىك، اشەكەي بۇيىمدار مەن ليۋكس زاتتار ساتىپ العان.
مىسالى:
-
2024 جىلعى 25 مامىردا پەريزات قايرات استاناداعى ROLEX BOUTIQUE دۇكەنىنەن 6 973 000 تەڭگەگە ساعات ساتىپ العان.
-
4 مامىردا Akbulak Rivera تۇرعىن ءۇي كەشەنىنەن 93 000 000 تەڭگەگە پاتەردى قولما-قول اقشاعا العان. 5 مامىر مەن 26 تامىز ارالىعىندا بۇل پاتەرگە 123 000 000 تەڭگەگە جوندەۋ جۇمىستارى جاسالىپ، ول دا قولما-قول تولەنگەن.
-
27 مامىردا Highvill Ishim Gold تۇرعىن ءۇي كەشەنىنەن 205 000 000 تەڭگەگە پاتەر مەن تۇراق ورنى ساتىپ العان.
-
1 ماۋسىمدا قايرات پەن اناسى كوكجايلاۋ 3 كەشەنىنەن 25 500 000 تەڭگەگە پاتەر العان.
-
18 ماۋسىمدا Astana Motors Premium جشس-نەن LEXUS LX 600 كولىگىن 80 212 000 تەڭگەگە قولما-قول اقشاعا ساتىپ العان.
-
9 شىلدەدە North Star of Kazakhstan جشس-نەن Mercedes-Benz S 450 4MATIC كولىگىن 77 257 765 تەڭگەگە ساتىپ العان. ونىڭ ىشىندە 20 ميلليون تەڭگەنى ەسەپشوتقا اۋدارىپ، قالعانىن قولما-قول تولەگەن.
-
16 شىلدەدە قايرات جاسۇزاقوۆتان 6 600 000 تەڭگەگە تۇراق ورنىن ساتىپ العان.
-
27 تامىزدا الىموۆتەن Vela Village كوتتەدج قالاشىعىنان ءۇي، قۇرىلىس جانە جەر تەلىمىن 150 000 000 تەڭگەگە ساتىپ العان.
-
3 قىركۇيەكتە Musag Astana جشس-نەن HAVAL H6 GT كولىگىن 13 570 000 تەڭگەگە العان.
ايىپتاۋشى تاراپتىڭ مالىمەتىنشە، سۋ تاسقىنى كەزىندە ۇرلانعان اقشامەن قايرات پەن اناسى جالپى قۇنى 671 382 000 تەڭگە بولاتىن مۇلىك، سونداي-اق 158 289 365 تەڭگەگە اشەكەي بۇيىمدار مەن اكسەسسۋارلار ساتىپ العان.
تاركىلەنگەن 123 دانا برەند سومكە، اياق كيىم مەن اشەكەيلەردىڭ جالپى باعاسى 152 870 806 تەڭگە بولعان. بۇل زاتتار زارداپ شەككەندەرگە كومەك رەتىندە جينالعان قاراجاتقا الىنعان. ال الاشبايەۆادان تاركىلەنگەن 17 بۇيىمنىڭ قۇنى 5 418 559 تەڭگە بولعان.
پروكۋرور ارمان كەزەكەننىڭ ايتۋىنشا، قايرات پەن الاشبايەۆا 2 860 047 926 تەڭگەنىڭ ۇرلانعان سوماسىنىڭ 1 036 994 900 تەڭگەسىن زاڭداستىرىپ، اينالىمعا ەنگىزگەن.