2026 جىلعى 6 قاڭتاردا استاناداعى ازاماتتىق ىستەر جونىندەگى اۋدانارالىق سوتتا ابىروي، قادىر-قاسيەت جانە ىسكەرلىك بەدەلدى قورعاۋ تۋرالى ءىس قارالدى. ناتيجەسىندە سوت تالاپ-ارىزدى قاناعاتتاندىرۋدان باس تارتتى، دەپ حابارلايدى اqshamnews.kz ءتىلشىسى.
سوت ماتەريالدارىنا سايكەس، تاراپتار اراسىندا تورت دايىنداۋ جانە تاپسىرۋ بويىنشا اۋىزشا كەلىسىم بولعان: جاۋاپكەر سالتاناتتى شاراعا ارنالعان تورتتى ازىرلەپ، تاپسىرىس بەرۋشى ونى الىپ، پايدالانعان. الايدا تورتتىڭ سوڭعى باعاسى الدىن الا ناقتى كەلىسىلمەگەن، وسى جايت كەيىن داۋدىڭ تۋىنداۋىنا سەبەپ بولعان.
داۋدان كەيىن جاۋاپكەر الەۋمەتتىك جەلىدە جاريالانىم جاساپ، كەيىن ءۇشىنشى تۇلعالار تۇسىرگەن ۆيدەوماتەريالداردى ءوز پاراقشاسىندا بولىسكەنى ايتىلدى. سوت اتالعان ۆيدەونى جاۋاپكەردىڭ ءوزى تۇسىرمەگەنىن انىقتاعان.
تاپسىرىس بەرۋشى سوت ساراپتاماسىن تاعايىنداۋدان باس تارتۋىنا بايلانىستى، سوت تاراعان اقپاراتتىڭ ابىرويعا نۇقسان كەلتىرەتىن-كەلتىرمەيتىنىن جانە ونىڭ قۇقىقتىق سيپاتىن ناقتى ايقىنداي الماعان.
سونداي-اق سوت تاۋار بەلگىسى بويىنشا اۆتورلىق قۇقىقتىڭ بۇزىلعانىن دالەلدەيتىن ناقتى دەرەك تاپپاعان، جەكە دەرەكتەردىڭ زاڭسىز جاريالانعانى دا راستالماعان.
وسىعان بايلانىستى سوت بارلىق تالاپتى قاناعاتتاندىرماۋ تۋرالى شەشىم شىعاردى. قاۋلى ازىرگە زاڭدى كۇشىنە ەنگەن جوق.
ايتا كەتەيىك، داۋ قۇنى 600 مىڭ تەڭگە بولاتىن تورتقا قاتىستى تۋعان.