تايلاندتا دەمالىستا جۇرگەن قازاقستاندىق فەلدشەر گاۋھار اكىموۆا ەكى جاسار بالانى قۇتقارىپ قالدى، دەپ حابارلايدى اqshamnews.kz ءتىلشىسى.
جەلىدە تاراعان اقپاراتقا سايكەس، ينفەكسيا سالدارىنان ۇستاماسى ۇستاپ قالعان ەكى جاسار قىزعا قازاقستاندىق مامان جەدەل تۇردە العاشقى مەديسينالىق كومەك كورسەتكەن.
ايتۋلارىنشا، ءبۇلدىرشىننىڭ جاقىندارى تۋريستەر اراسىنان كومەك ىزدەپ، ابدىراپ قالعان ساتتە گاۋھار اكىموۆا جاقىن ماڭدا جۇرگەن. ول دەرەۋ وقيعا ورنىنا جەتىپ، بالانىڭ جاعدايىن تۇراقتاندىرۋعا ارەكەت جاساپ، جەدەل جاردەم قىزمەتى كەلگەنشە جانىنان تابىلعان.