6 ءساۋىر كۇنى قازاقستان اۋماعىندا جاۋىن-شاشىنسىز اۋا رايى ساقتالادى، دەپ حابارلايدى اlmaty-akshamy.kz «قازگيدرومەتكە» سىلتەمە جاساپ.
ەلدىڭ سولتۇستىگىندە، باتىسىندا، ورتالىعى مەن وڭتۇستىگىندە، سونداي-اق تاۋلى ايماقتاردا جاڭبىر جاۋۋى ىقتيمال. رەسپۋبليكا بويىنشا جەلدىڭ كۇشەيۋى، سولتۇستىكتە، باتىستا تۇمان، وڭتۇستىك-باتىستا شاڭدى داۋىل، وڭتۇستىكتە، تاۋلى ايماقتاردا نايزاعاي بولجانادى.
تۇركىستان وبلىسىنىڭ تاۋلى ايماقتارىندا نايزاعاي كۇتىلەدى. تۇندە جانە تاڭەرتەڭ تاۋلى اۋداندارىندا جەل 15-20 م/س كۇشەيەدى.
ماڭعىستاۋ وبلىسىنىڭ سولتۇستىگىندە، وڭتۇستىك-شىعىسىندا شاڭدى داۋىل تۇرادى. ءوڭىردىڭ باتىسىندا، سولتۇستىگىندە، وڭتۇستىك-شىعىسىندا جەلدىڭ كۇشى 15-20 م/س ارتادى.
قوستاناي وبلىسىنىڭ وڭتۇستىك-شىعىسىندا تۇمان بولادى. كۇندىز ءوڭىردىڭ سولتۇستىگىندە جەلدىڭ ەكپىنى 15-20 م/س دەيىن ارتادى.
اقمولا وبلىسىنىڭ سولتۇستىگىندە جەلدىڭ جىلدامدىعى 15-20 م/س كۇشەيەدى. تۇندە جانە تاڭەرتەڭ ءوڭىردىڭ وڭتۇستىگىندە تۇمان بولجانادى.
سولتۇستىك قازاقستان وبلىسىنىڭ باتىسىندا، سولتۇستىگىندە جەلدىڭ ەكپىنى 15-20 م/س كۇشەيەدى. تۇندە جانە تاڭەرتەڭ ءوڭىردىڭ وڭتۇستىگىندە تۇمان كۇتىلەدى.
كۇندىز اتىراۋ وبلىسىنىڭ وڭتۇستىگىندە جانە شىعىسىندا، باتىس قازاقستان وبلىسىنىڭ باتىسىندا جەلدىڭ كۇشى 15-20 م/س ارتادى.
كۇندىز قىزىلوردا وبلىسىنىڭ شىعىسىندا نايزاعاي ويناپ، ورتالىعىندا جەلدىڭ ەكپىنى 15-20 م/س قۇرايدى.
تۇندە اقتوبە وبلىسىنىڭ باتىسىندا، ورتالىعىندا تۇمان بولادى. كۇندىز قاراعاندى وبلىسىنىڭ سولتۇستىگىندە، شىعىس قازاقستان وبلىسىنىڭ باتىسىندا جەل 15-20 م/س دەيىن كۇشەيەدى.