اۋرۋدىڭ بۇل ءتۇرى شىعىستا وسى اپتادا ءورشىپ كەتكەن.
وسكەمەندە قىزىلشادان 6 ايلىق نارەستە قايتىس بولدى، دەپ حابارلايدى Almaty-akshamy.kz
سوڭعى ءۇش تاۋلىكتە وسكەمەندە 92 ادام قىزىلشا جۇقتىرعان. ونىڭ 90 پايىزى ۆيرۋسقا قارسى ەكپە الماعاندار.
ەلدە 20 مىڭنان استام ادام قىزىلشا جۇقتىرعان.
جالپى ەلىمىزدە جىل باسىنان بەرى 20 مىڭنان استام ادام قىزىلشا جۇقتىرعان. ۇلتتىق قوعامدىق دەنساۋلىق ساقتاۋ ورتالىعىنىڭ وكىلدەرى وسىنداي مالىمەت تاراتتى.
مەديسينا ماماندارىنىڭ ايتۋىنشا، ەپيد احۋال وتە كۇردەلى. سانيتارلىق دارىگەرلەر كۇن سايىن ەلدە ۆيرۋس جۇقتىرۋدىڭ 350 جاعدايىن تىركەيدى.
كوبىنە قىزىلشا 14 جاسقا دەيىنگى بالالارعا ءۇيىر كەلەتىن كورىنەدى. قىزىلشا قىرعىز ەلىن دە دىڭكەلەتىپ تۇر.
وندا ۆيرۋستىڭ ەكىنشى تولقىنى باستالدى. ىندەتتىڭ تارالۋى بىشكەك، جالال-اباد جانە شۋ وبلىستارىندا جيىلەگەن.
جىل باسىنان بەرى بۇل ەلدە قىزىلشا جۇقتىرۋدىڭ 5 مىڭنان استام دەرەگى تىركەلگەن.