بۇل - وبلىس ورتالىقتارىن قامتۋعا قاتىستى جاسالعان مالىمدەمە.
مۇنى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«5G جاڭا تەحنولوگيا جانە ونى اۋىلدارعا جەتكىزۋ تۋرالى ايتۋ ازىرگە ەرتەلەۋ. 5G-مەن ازىرگە وبلىس ورتالىقتارى مەن رەسپۋبليكالىق ماڭىزى بار قالالاردى قامتۋ مىندەتى تۇر. بيىل جىل سوڭىنا دەيىن 600-700 بازالىق ستانسيا ورناتۋ جوسپارى بار. ءبىراق 5G اۋكسيونىندا جەڭىسكە جەتكەن وپەراتورلار بۇل جوسپارلاردى وزگەرتتى»، - دەدى باعدات مۋسين.
ءمينيستردىڭ مالىمدەۋىنشە، استانا، الماتى جانە شىمكەنت قالالارىندا 1 مىڭعا جۋىق بازالىق ستانسيا ورناتىلادى.
«وڭىرلەردە جاڭا تەحنولوگيانى قولدانۋ ءۇشىن بىرنەشە بازالىق ستانسيالار ورناتىلادى. رەسپۋبليكا بويىنشا وپەراتورلار 2027 جىلعا دەيىن بارلىق وبلىس ورتالىقتارىن قامتۋدى جوسپارلاعان. دەگەنمەن، ءقازىر بايلانىس وپەراتورلارى جوسپارلارىن قايتا قاراپ، جوبانى 2026 جىلدىڭ سوڭىنا دەيىن ىسكە اسىرعىسى كەلىپ وتىر»، - دەيدى ول.