ءتۇرلى دەنە جاراقاتتارىمەن 9 جولاۋشى حرومتاۋ ورتالىق اۋرۋحاناسىنا جەتكىزىلدى
بۇگىن سامارا – شىمكەنت تاس جولىندا اۆتوبۋس اۋدارىلىپ قالدى. جول-كولىك وقيعاسى كەزىندە كولىكتە كۇزەت اگەنتتىكتەرىنىڭ ءبىرىنىڭ 52 قىزمەتكەرى بولعان، دەپ حابارلايدى Almaty-akshamy.kz.
وبلىستىق پوليسيانىڭ مالىمەتىنشە، جول اپاتى اقجار اۋىلىنىڭ ماڭىندا بولعان.
«اۆتوبۋستا 52 جولاۋشى بولعان، ولاردىڭ بارلىعى كۇزەت اگەنتتىكتەرىنىڭ ءبىرىنىڭ قىزمەتكەرلەرى، ولار جۇمىسقا بارا جاتقان»، - دەلىنگەن اقتوبە وبلىسى پد باسپا ءسوز قىزمەتى تاراتقان مالىمەتتە.
پوليسەيلەردىڭ ايتۋىنشا، جۇرگىزۋشى تىزگىنگە يە بولا الماي، اۆتوبۋس شۇڭقىرعا ۇشىپ كەتكەن.
ءتۇرلى دەنە جاراقاتتارىمەن 9 جولاۋشى حرومتاۋ ورتالىق اۋرۋحاناسىنا جەتكىزىلدى، دەپ حابارلادى ۆەدومستۆودان.
ءدال وسى تارسسادا 13 قازان كۇنى تاڭەرتەڭ "گازەل" مەن Yutong جولاۋشىلار اۆتوبۋسى سوقتىعىستى. وقيعا سالدارىنان اۆتوبۋستىڭ ءبىر جولاۋشىسى قازا تاۋىپ، بەسەۋى زارداپ شەكتى.