ءماجىلىس زاڭ قابىلدادى.
بۇگىن ءماجىلىس دەپۋتاتتارى تۇرعىن ءۇي ساياساتىن رەفورمالاۋ ماسەلەلەرى بويىنشا كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى زاڭدى ەكىنشى وقىلىمدا قابىلدادى، دەپ حابارلايدى Almaty-akshamy.kz
جۇمىس توبىنىڭ جەتەكشىسى، دەپۋتات ۇلىقبەك تۋماشينوۆتىڭ ايتۋىنشا، بۇعان دەيىن ساتىپ الۋ قۇقىعىنسىز جالعا بەرىلگەن ۇيلەردى جەكەشەلەندىرۋگە رۇقسات بەرىلەدى.
"بۇگىنگى تاڭدا ساتىپ الۋ قۇقىعىنسىز بەرىلەتىن تۇرعىن ۇيلەر – حالىقتىڭ الەۋمەتتىك وسال توپتارىنا عانا بەرىلەتىنى بەلگىلى. بۇل ازاماتتارعا جالعا بەرىلەتىن باسپانانى جەكە مەنشىك رەتىندە قالدىق قۇنىمەن الۋعا مۇمكىندىك بەرەدى. مۇنداي جاڭا جەكەشەلەندىرۋ قۇقىعىن – بارلىق وڭىرلەردە 51 مىڭ حالىقتىڭ الەۋمەتتىك وسال توپتارىنىڭ ازاماتتارى پايدالانا الادى"، - دەدى تۋماشينوۆ ءماجىلىستىڭ بۇگىنگى وتىرىسىندا.