الماتى قالاسى اۋماقتىق سايلاۋ كوميسسياسىنىڭ ءتوراعاسى ايگۇل قالىقوۆانىڭ №503 سايلاۋ ۋچاسكەسىندەگى كانديداتتىڭ بايقاۋشىسى مەن سەنىمدى ادامى اراسىنداعى جانجالدى جاعدايعا قاتىستى تۇسىنىكتەمەسى:
"كەيبىر باق-تا №503 سايلاۋ ۋچاسكەسىندە كوميسسيا مۇشەسى باقىلاۋشىلارمەن جانجالداسقان دەگەن اقپارات پايدا بولدى. شىن مانىندە، №503 سايلاۋ ۋچاسكەسىندەگى كيكىلجىڭ كانديداتتاردىڭ ءبىرىنىڭ بايقاۋشىسى مەن سەنىمدى ادامى اراسىندا داۋىستاردى سانايتىن كەزدە شىققان. كوميسسيا ءتوراعاسى ەكى تاراپتان دا ازاماتتاردىڭ داۋىس بەرۋ ۇدەرىسىنە كەدەرگى كەلتىرمەۋ ءۇشىن ماسەلەنى سايلاۋ ۋچاسكەسىنەن باسقا جەردە شەشۋدى سۇرادى. سونىڭ ناتيجەسىندە ۋچاسكەلىك سايلاۋ كوميسسياسى جانجالداسقان سەنىمدى تۇلعالاردى، باقىلاۋشىلاردى تىركەۋدەن شىعارۋ تۋرالى ءتيىستى شەشىم قابىلدادى. ءتيىستى حاتتاما بار".