ءماجىلىس جانە ءماسليحات دەپۋتاتتارىن سايلاۋ اياقتالدى. تاۋەلسىز باقىلاۋشىلاردىڭ ۇسىنعان اقپاراتتارى بويىنشا دورەكى زاڭ بۇزۋشىلىقتار ورىن العان جوق
بۇل تۋرالى سايلاۋ بويىنشا جالپىقالالىق باسپا ءسوز ورتالىعىنىڭ الاڭىندا تاۋەلسىز باقىلاۋشىلار ورتالىعىنىڭ جەتەكشىسى، الماتىداعى پارتيالىق ەمەس بايقاۋلار ورتالىعىنىڭ وكىلى – الەكساندر براتەنكوۆ پەن باقىلاۋشىلار مەكتەبىنىڭ ترەنەرى قايىرجان ءابدىحالىقوۆ حابارلادى.
«13 ساعاتتا داۋىس بەرۋ پروسەسى اياقتالدى. بۇل ۇدەرىسكە سايلاۋشىلار عانا ەمەس، سەنىمدى وكىلدەر، بايقاۋشىلار، جۋرناليستەر ءوز ۇلەستەرىن قوستى. باسقا وڭىرلەرمەن سالىستىرعاندا داۋىس بەرۋ كورسەتكشى تومەن بولدى. دەگەنمەن بۇل، ۇلكەن مەگاپوليس ءۇشىن قالىپتى جاعداي دەپ سانالادى. بايقاۋشىلار بارلىق ۋچاسكەلەردى قامتىدى. الماتى قالاسى بويىنشا ءبىرمانداتتى وكرۋگتەر بويىنشا باقىلاۋشىلار مەن قاتار باقىلاۋشىلاردى قاتار وقىتۋ كەرەك. وسىنداي جاعدايدا جاعداي جاقسارادى. زاڭ بۇزۋشىلىق جايتتار ورىن المادى. بۇل دەگەنىمىز سايلاۋدىڭ كەمەلدەنگەن كورسەتكىشى دەپ سانايمىن. بايقاۋشىلار مەكتەبىندە 1723 ادامدى دايىندادىق. بارلىعى قۇقىق شەڭبەرىندە 2 اپتا ارالىعىندا وقىتىلدى. الماتى قالاسىندا سايلاۋ پروسەسسى زاڭ جۇزىندە ءوتتى. بايقاۋشىلار مەكتەبىن بولاشاقتا دا كوبەيتەمىز دەپ ويلاپ وتىرمىز. وسىلايشا قوعام ۇشىندە پايدالى بولادى دەگەن ۇمىتتەمىز. سايلاۋعا قاتىسىپ، داۋىس بەرگەن ازاماتتارىمىزعا العىسىمىزدى بىلدىرەمىز. سايلاۋ ءادىل ءارى اشىق وتكىزلدى. شەتەلدىك باقىلاۋشىلاردا وزدەرىنىڭ جاعىمدى پىكىرىن ءبىلدىردى»، - دەيدى باقىلاۋشىلار مەكتەبىنىڭ ترەنەرى – باقىلاۋشىلار مەكتەبىنىڭ ترەنەرى قايىرجان ءابدىحالىقوۆ.
ايتا كەتەيىك، الماتى قالاسى بويىنشا ءبىرمانداتتى وكرۋگتەر بويىنشا ءماجىلىس دەپۋتاتتىعىنا 82 كانديدات تىركەلسە، ءماسليحات دەپۋتاتتىعى ءۇشىن 144 ۇمىتكەر ساسياي دوداعا قاتىسقان.
«بۇگىنگى سايلاۋ بەلسەندى ءوتتى. قالا تۇرعىندارى ءوزىنىڭ ازاماتتىق پارىزىن ورىندادى. تاۋەلسىز باقىلاۋشىلاردىڭ ۇسىنعان اقپاراتتارى بويىنشا دورەكى زاڭ بۇزۋشىلىقتار ورىن العان جوق. الماتى قالاسىندا سايلاۋ ادەل ءوتتى. بۇگىن قالامىزداعى بارلىق سايلاۋ ۋچاسكەلەرىن ارالاپ شىقتىق. الماتى قالاسىنىڭ سايلاۋ وتكىزۋ بارىسىنىڭ ساۋاتتىلىعىن بايقادىق. مەن سايلاۋ بەلسەندىلىگىنىڭ جەتكىلىكسىز بولۋىن كەمشىلىك دەپ سانايمىن. ناقتى سەبەبىن اتاۋ كورسەتۋ قيىن. الماتىلىقتاردىڭ نەلىكتەن بەلسەندى ەمەس ەكەنىن ءتۇسىنۋ ءۇشىن قوسىمشا زەرتتەۋلەر قاجەت»،- دەدى تاۋەلسىز باقىلاۋشىلار ورتالىعىنىڭ جەتەكشىسى، الماتىداعى پارتيالىق ەمەس بايقاۋلار ورتالىعىنىڭ وكىلى – الەكساندر براتەنكوۆ.
ەستەرىڭىزگە سالا كەتەيىك، قالاداعى 602 سايلاۋ ۋچاسكەسىنەن قالا تۇرعىندارى داۋىس بەردى. سايلاۋ بارىسىندا 1،2 ملن الماتىلىق داۋىس بەرۋ قۇقىعىن پايدالانا الدى.