قانداي دەپوزيتتەردى جانە قانداي ماقساتتا اشاتىنىن زەرتتەگەن سوسيولوگيالىق زەرتتەۋدىڭ ناتيجەلەرى بويىنشا، وتباسىلى قازاقستاندىقتار كوبىنە بولاشاققا جانە توسىننان بولاتىن شىعىندار ءۇشىن جيناقتاۋ ماقساتىندا دەپوزيت اشادى، دەپ حابارلايدى aqshamnews.kz
قازاقستاندىق دەپوزيتتەردى كەپىلدەندىرۋ قورى مەن ماركەتينگ جانە سوسيولوگيا ينستيتۋتى «Elim» جۇرگىزگەن زەرتتەۋ بويىنشا 4000 رەسپوندەنتتەن ساۋالناما العان.
«وتباسىلى قازاقستاندىقتاردىڭ ۇشتەن ءبىرى (33%) بانكتەردە دەپوزيتتەرگە يە. بۇل رەتتە ەرلەر مەن ايەلدەر دەپوزيت اشۋدا بىردەي ءجيى كەزدەسەدى – 49% جانە 51%، سايكەسىنشە. قىزىقتىسى، ساۋالناماعا قاتىسقانداردىڭ 80%-ى دەپوزيتتەرىن تەڭگەدە اشۋدى ءجون كورەدى»، – دەيدى ساراپشىلار.
استانا مەن الماتىداعى وتباسىلار اراسىندا جيناقتارى بار ادامداردىڭ ۇلەسى ءسال جوعارى – شامامەن 40%. نەگىزگى جيناقتاۋ ماقساتتارى – بولاشاق ءۇشىن. ونىڭ ىشىندە توسىننان كەلەتىن شىعىندار بولعان جاعدايدا قينالىپ قالماس ءۇشىن جناقتايدى. دەپوزيتتەردى وسى ماقساتتا اشقان رەسپوندەنتتەردىڭ 56%-ى وسىنداي سەبەپتى اتاپ ءوتتى.
ەكىنشى ورىندا – جىلجىمايتىن مۇلىك ساتىپ الۋ (15%). ءۇشىنشى ورىندا – بالالاردىڭ ءبىلىم الۋى نەمەسە ولاردىڭ بولاشاعى ءۇشىن جيناق جاساۋ.