قورعانىس ءمينيسترلى مەن ق ر قارجى نارىعىن رەتتەۋ جانە دامىتۋ اگەنتتىگى اراسىنداعى ءوزارا ىنتىماقتاستىق تۋرالى مەموراندۋمنىڭ ناتيجەسىندە بورىشىن وتەپ جۇرگەن اسكەري قىزمەتشىلەرگە بانكتىك قارىزدار مەن شاعىن نەسيەلىك تولەمدەرىن كەيىنگە قالدىرۋ تاجىريبەسى رەتتەلگەن.
قازىرگى كەزدە 5 مىڭنان استام ساربازدىڭ 1 ملرد 875 ملن تەڭگە نەسيەسى كەيىنگە قالدىرىلدى. قازىرگى ۋاقىتتا بانكتەر مەن ميكروكرەديتتىك ۇيىمداردا 1،6 ملرد تەڭگە سوماسىنا 5 مىڭعا جۋىق اسكەري قىزمەتشىنىڭ وتىنىشتەرى قارالۋ ۇستىندە. ودان بولەك قورعانىس ۆەدومستۆوسىنىڭ بۇل باستاماسى زاڭ جۇزىندە بەكىتۋدى جانە مۇددەلى ۇيىمداردىڭ بىرلەسكەن تەحنيكالىق شەشىمىن تالاپ ەتەدى.
قورعانىس مينيسترلىگىنىڭ ساربازدارى ءۇشىن الەۋمەتتىك قولداۋ شارالارىن زاڭ تۇرعىسىندا رەتتەۋ ماقساتىندا "اسكەري قىزمەت جانە اسكەري قىزمەتشىنىڭ مارتەبەسى تۋرالى" ق ر زاڭىنا 50-1-باپتى ەنگىزۋگە باستاماشى بولدى. زاڭ جوباسى پارلامەنت ماجىلىسىندە قارالىپ جاتىر.
"بۇدان وزگە، قورعانىس مينيسترلىگى ق ر قارجى نارىعىن رەتتەۋ جانە دامىتۋ اگەنتتىگىنە "بانكتەر جانە بانك قىزمەتى تۋرالى" ق ر زاڭىنىڭ 34-بابىنا جانە "ميكروقارجىلىق قىزمەتى تۋرالى" ق ر زاڭىنىڭ 7-بابىنىڭ 2-تارماعىنا تولىقتىرۋلار ەنگىزۋ جونىندە ۇسىنىستارىن ءبىلدىردى. نەگىزگى قارىز بەن سىياقى بويىنشا تولەمدى كەيىنگە قالدىرۋ ءتارتىبىن بەلگىلەيتىن نورمالارعا قورعانىس ۆەدومستۆوسى ساربازداردان باسقا قارىز الۋشىلار قاتارىنا اسكەري جيىندارعا شاقىرىلعان ازاماتتاردى دا قوسۋدى ۇسىنىپ وتىر".ق ر قورعانىس مينيسترلىگىنىڭ باسپا ءسوز قىزمەتى
مينيسترلىكتىڭ مالىمدەۋىنشە، نەسيەنى كەيىنگە قالدىرۋ اسكەري جيىنداعى بۇكىل كەزەڭگە بەرىلەدى دەپ كۇتىلۋدە. بۇل رەتتە مالىمەت الماسۋ مۇددەلى ورگانداردىڭ اقپاراتتىق جۇيەلەرىنىڭ ءوزارا ءىس-قيمىلى ارقىلى ىسكە اسىرىلۋعا ءتيىس.
پروسەستەردى اۆتوماتتاندىرۋ ءۇشىن ۇيىمداستىرۋ-جۇمىلدىرۋ جۇمىسى دەپارتامەنتى قارجى نارىعىن رەتتەۋ جانە دامىتۋ اگەنتتىگىمەن جانە "مەملەكەتتىك كرەديتتىك بيۋرو" اق-مەن بىرلەسىپ پرواكتيۆتى فورماتتا ءوزارا ءىس-قيمىل الگوريتمىن ازىرلەدى.