تۇركىستان وبلىسى ونلاين ساناقتان ءوتۋ كورسەتكىشى بويىنشا الدا كەلەدى.
ساناقتان ونلاين وتكەندەر قاتارى 5 ميلليوننان استى، دەپ حابارلايدى Almaty-akshamy.kz ۇلتتىق ستاتيستيكا بيۋروسىنىڭ باسپا ءسوز قىزمەتىنە سىلتەمە جاساپ.
22 قىركۇيەك ساعات 15:00-دەگى جاعداي بويىنشا 5003105 رەسپوندەنت ونلاين ساناقتان ءوتتى.
ولاردىڭ 4323686-سى sanaq.gov.kz سايتىندا، 484878 ادام Egov پورتالىندا تىركەلۋ ارقىلى جاۋاپ بەرسە، 194541 ادام ساناققا اitu قوسىمشاسى ارقىلى قاتىستى.
ونلاين ساناقتان وتكەندەر سانى بويىنشا تۇركىستان وبلىسى الدا. مۇندا 603743 تۇرعىن ساناقتان وتكەنى جايلى حابارلاما العان. ونلاين ساناقتان وتكەن تاعى 527233 ادام الماتى وبلىسىندا تىركەلگەن. ۇزدىك ۇشتىكتى شىعىس قازاقستان وبلىسى تۇيىندەدى. مۇندا 437656 ادام ساناق ساۋالدارىنا جاۋاپ بەردى.
ۇلتتىق ستاتيستيكا بيۋروسى ازاماتتاردىڭ بەلسەندىلىگى ءۇشىن العىس ايتا وتىرىپ، ساناقتى ونلاين وتۋگە شاقىرادى. sanaq.gov.kz سايتى 15 قازانعا دەيىن تاۋلىك بويى قولجەتىمدى بولماق.
ونلاين ساناقتان وتپەگەندەر 1-30 قازان ارالىعىندا ينتەرۆيۋەرلەردىڭ ساۋالدارىنا جاۋاپ بەرە الادى. بارلىق ساۋالدار بويىنشا 1446 بايلانىس ورتالىعىنا حابارلاسۋعا بولادى. قوڭىراۋ شالۋ تەگىن.