2 ملرد. اعاش وتىرعىزۋ جوباسىنا 200-دەن استام ورمان پيتومنيكتەرى مەن باسقا دا ۇيىمدار قاتىسادى
قازىرگى ۋاقىتتا ق ر ەكولوگيا مينيسترلىگى ەلىمىزدىڭ اۋقىمدى كوگالداندىرۋ جوباسىن ىسكە اسىرىپ جاتىر. ونىڭ اياسىندا 5 جىل ىشىندە 2 ملرد.اعاش وتىرعىزۋدى جوسپارلاپ وتىر، دەپ حابارلايدى almaty-akshamy.kz
جوبا باستالعالى بەرى 81،5 ملن. اعاش وتىرعىزىلدى. كۇزدە تاعى 48،2 ملن. اعاش وتىرعىزىلادى. وتىرعىزۋ كولەمى 2021 جىلعى 129،7 ملن.اعاشتان 2025 جىلى 642،8 ملن. اعاشقا دەيىن ۇلعاياتىن بولادى.
جوبانى جۇزەگە اسىرۋ ءۇشىن بارلىق وبلىستار جانە مينيسترلىكتىڭ ۆەدومستۆولىق باعىنىستى مەكەمەلەرىندە ورمان ءوسىرۋدىڭ 5 جىلدىق كەشەندى جوسپارى بەكىتىلدى. ونى ازىرلەۋ كەزىندە قولدانىستاعى پيتومنيكتەردىڭ جانە وتىرعىزۋ ماتەريالىن ءوسىرۋدى جۇزەگە اسىراتىن ۇيىمداردىڭ مۇمكىندىكتەرىنە تالداۋ جاسالدى.
وسى دەرەكتەرگە سايكەس اعاشتار مەن بۇتالاردى وتىرعىزۋ جۇمىس كولەمى بويىنشا جوسپارلى كورسەتكىشتەر ازىرلەندى. وبلىستاردا وتىرعىزۋ ماتەريالدارى جەتكىلىكسىز قامتاماسىز ەتىلسە، جوسپارلارمەن جۇمىس ىستەپ تۇرعان پيتومنيكتەردى كەڭەيتۋ جانە ۋاقىتشا پيتومنيكتەر قۇرۋ كوزدەلگەن. سونداي-اق ورمان داقىلدارىنىڭ تۇقىمىن جيناۋ كورسەتكىشتەرى ەسكەرىلدى.
بۇگىنگى تاڭدا قازاقستاندا ورمان داقىلدارىنىڭ وتىرعىزۋ ماتەريالدارىن كوبەيتۋ مەن ءوسىرۋدى جۇزەگە اسىراتىن 44 تۇراقتى جانە 158 ۋاقىتشا پيتومنيكتەر مەن ۇيىمدار جۇمىس ىستەيدى. قازىرگى ۋاقىتتا قاراعاي، شىرشا، بالقاراعاي، قايىڭ، شەگىرشىن، سەكسەۋىل، ۇيەڭكى، شاعان، ەمەن جانە باسقا دا اعاش تۇرلەرىنىڭ 1-3 جاستاعى كوشەتتەرى بار. جالپى - 165،5 ملن. دانا. ايتا كەتەيىك، باسقا ەلدەردەن وتىرعىزۋ ماتەريالدارىن ساتىپ الۋ قاراستىرىلماعان.
جوبا بويىنشا: سەكسەۋىل – شامامەن 610 مىڭ دانا؛ قاراعاي – 555 مىڭنان استام دانا؛ ۇيەڭكى – 193 مىڭنان استام دانا؛ شەگىرشىن – 132 مىڭنان استام دانا؛ قايىڭ – 100 مىڭنان استام دانا جانە باسقا دا تۇقىمدار وتىرعىزۋ جوسپارلانعان.