5 جەلتوقسان – ۆولونتەرلەردىڭ قوعامداعى ماڭىزدى ءرولىن، مۇقتاج جاندارعا كومەكتەسۋدەگى جانقيارلىق ۇلەسىن، ءتۇرلى قايىرىمدىلىق، الەۋمەتتىك باستامالاردى تانۋ جانە قولداۋ ماقساتىندا ۇيىمداستىرىلعان حالىقارالىق ۆولونتەرلار كۇنى، دەپ حابارلايدى almaty-akshamy.kz.
ەكونوميكالىق جانە الەۋمەتتىك دامۋ ءۇشىن حالىقارالىق ەرىكتىلەر كۇنى 1985 جىلى بۇۇ باس اسسامبلەياسىنىڭ 40-شى سەسسياسىندا بەكىتىلگەن.
"ەرىكتىلىك - بۇكىل الەم بويىنشا الەۋمەتتىك، ەكونوميكالىق جانە ەكولوگيالىق ماسەلەلەردى شەشۋگە ارنالعان ۇلكەن، جاڭارتىلاتىن رەسۋرس. الەم ءوسىپ كەلە جاتقان قيىندىقتارعا كەزىككەندە، ەرىكتىلەر ءجيى كومەككە ءبىرىنشى بولىپ كەلەدى. ەرىكتىلەر داعدارىستار مەن توتەنشە جاعدايلارمەن كۇرەسۋدىڭ الدىڭعى قاتارىندا، كوبىنەسە وتە كۇردەلى جانە قيىن جاعدايلاردا ءبىرىنشى ۇلەك قوسادى"، - دەلىنگەن بۇۇ سايتىندا.
حالىقارالىق ۆولونتەرلار كۇنىنە ارنالعان ءىس-شارالار قايىرىمدىلىق شارالارىن، ۆولونتەرلىك جوبالاردى، كونفەرەنسيالاردى، سەمينارلاردى جانە بۇكىل الەم بويىنشا ەرىكتىلەردى قولداۋعا جانە تانۋعا باعىتتالعان باسقا دا ءىس-شارالاردى قامتۋى مۇمكىن. بۇل كۇن ادەتتە ۆولونتەرلىك قۇندىلىقتاردى جانە ونىڭ ءارتۇرلى قاۋىمداستىقتارداعى ءومىر ساپاسىن جاقسارتۋعا اسەرىن كورسەتەدى.
ءوز قۇتتىقتاۋىندا ق ر توتەنشە جاعدايلار مينيسترلىگىنىڭ باسشىسى سىرىم ءشارىپحانوۆ بۇگىنگى تاڭدا مينيسترلىك رەسپۋبليكا بويىنشا 130-دان استام ۆولونتەرلىك ۇيىممەن ءوزارا ارەكەتتەسەتىنىن اتاپ ءوتتى.
"توتەنشە جاعدايلار مينيسترلىگى مەيىرىمدىلىگىڭىز، قامقورلىعىڭىز، جەدەل ارەكەتىڭىز جانە توتەنشە جاعدايلاردىڭ الدىن الۋ جانە ولاردىڭ زارداپتارىن جويۋعا قوسقان باعا جەتپەس ۇلەسىڭىز ءۇشىن العىس پەن ريزاشىلىعىن بىلدىرەدى.سىزدەرگە شىن جۇرەكتەن دەنساۋلىق، سارقىلماس شىعارماشىلىق قۋات، باقىت جانە ەلدەگى پايدالى ەڭبەكتەرىڭىزگە تابىس تىلەيمىن" – دەپ جازدى توتەنشە جاعدايلار ءمينيسترى.
يۋنيسەف قازاقستاندا ونىڭ ۆولونتەرلىك قوزعالىسى 10 مىڭ ادامدى قۇرايتىنىن اتاپ ءوتتى.
مەكتەپ وقۋشىلارى، ستۋدەنتتەر، جاس ماماندار يۋنيسەف باعدارلامالارىنىڭ كومەگىمەن بالالاردىڭ ءارتۇرلى ماسەلەلەر بويىنشا حاباردارلىعىن ارتتىرادى، ءىس-شارالارعا قاتىسادى، ءبىلىم الادى جانە دامىپ كەلەدى.