8 جىلعا سوزىلعان دەكرەتتىك دەمالىستان كەيىن سپورتشى انا بوكسقا قايتا ورالعان.
ايگەرىم ساتتىبايەۆا بوكستان 48 كەلى سالماق دارەجەسىندە قازاقستان چەمپيونى اتاندى، - دەپ حابارلايدى Aqshamnews.kz.
– جارىس جوعارى دەڭگەيدە، تارتىستى ءوتتى. جەكە ءومىر مەن سپورتتى قاتار الىپ ءجۇرۋ وڭاي ەمەس. ويتكەنى كوپبالالى انا بولعاننان كەيىن بالالارىما دا كوڭىل ءبولىپ، جاتتىعۋلارىمدى دا ۋاقىتىلى ىستەۋ كەرەك. ءبىراق جولداسىم جانىمدا قولداپ جۇرەدى. مەن جوق كەزدە جولداسىم بالالارمەن قالادى، – دەيدى ول «بۇگىن LIVE» باعدارلاماسىنا بەرگەن سۇحباتىندا.
ايگەرىم ساتتىبايەۆا ۇزاق ۋاقىت دەكرەتتىك دەمالىستا بولسا دا ءوز قالپىنا وڭاي كەلگەنىن ايتادى.
– مەن 8 جىل دەكرەتتە وتىردىم. ول كەزدە جاتتىعۋلارىمدى، رينگتى قاتتى ساعىناتىنمىن. قايتا ورالۋعا سول ساعىنىشىم اسەر ەتتى. بوكسقا كەلگەننەن كەيىن فيزيكالىق جانە تەحنيكالىق تۇرعىدا ءوزىمدى قالىپقا كەلتىرۋ جەڭىل بولدى. ونىڭ الدىندا دا تاجىريبەم بار ەدى. جولداسىم دا، جەكە باپكەرىم دە جان-جاقتى كومەكتەستى، – دەيدى بوكسشى.