كوستەنكو اتىنداعى شاحتادا اپاتتى جويۋ جونىندەگى جەدەل شتاب تاۋلىك بويى جۇمىس ىستەپ جاتىر، دەپ حابارلادى توتەنشە جاعدايلار مينيسترلىگى.
«ساعات 20.00-دەگى جاعداي بويىنشا 45 كەنشىنىڭ دەنەسى تابىلدى، 1 كەنشىنى ىزدەۋ جالعاسۋدا»، - دەلىنگەن حابارلامادا.
ۆەدومستۆونىڭ مالىمەتىنشە، جۇمىس بىر-بىرىنەن شامامەن 6 كم قاشىقتىقتا ورنالاسقان ەكى ءوندىرۋ ۋچاسكەسى اۋدانىندا جۇرگىزىلۋدە.
كەنشىلەر ورنالاسۋى مۇمكىن ىقتيمال ۋچاسكەلەرگە تاۋ-كەن قۇتقارۋشىلارىنىڭ ءوتۋىنىڭ بارلىق مۇمكىن جولدارى پىسىقتالۋدا.
اپاتتىڭ بولجامدى ەپيسەنترىن تەكسەرۋ ءۇشىن تج ءمينيسترى سىرىم ءشارىپحانوۆ شاحتاعا ءتۇستى.
تەكسەرۋ بارىسىندا ءورت پەن جارىلىستىڭ اسەرىنە ۇشىراعان قازبالار قارالدى، وندا:
- شاحتا جابدىعىنىڭ بۇزىلۋى جانە جىلجۋى؛
-مەتالل-اركالى بەكىتۋ ەلەمەنتتەرىندەگى شاڭ شوگىندىلەرى؛
- جەلدەتۋ قۇرىلىستارىنىڭ زاقىمدانۋى انىقتالدى.
كوزگە كورىنەتىن جانۋ وشاقتارى جوق، گاز جاعدايى قالىپتى. سونىمەن قاتار، سىرىم ءشارىپحانوۆ اۆاريانى تەرگەۋ جونىندەگى ۇكىمەتتىك كوميسسيا مۇشەلەرىمەن وتىرىس وتكىزدى.
جۇمىستاردى جان-جاقتى قامتاماسىز ەتۋ تج ءمينيسترىنىڭ جەكە باقىلاۋىندا. جۇمىس جالعاسۋدا.