قانات تايمەردەنوۆ پوليسياداعى مامان جەتىسپەۋشىلىگى ماسەلەسى جايىندا دا ايتتى.
شاھاردىڭ باس ساقشىسىنىڭ ايتۋىنشا، قالالىق پوليسيا دەپارتامەنتىندە 6040 قىزمەتكەر ەڭبەك ەتۋدە، دەپ حابارلايدى Almaty-akshamy.kz.
ونىڭ ىشىندە 5597ء-ى اتتەستاسيالانعاندار. قالعانى – مەملەكەتتىك اكىمشىلىك قىزمەتشىلەر. كۇندەلىكتى، كەزەكشى وتريادتان باسقا، قوعامدىق ءتارتىپتى كۇزەتۋگە 1500 پوليسەي 550 پاترۋلدىك بەكەتتەرگە جىبەرىلەدى.
سپيكەر اتاپ وتكەندەي، كادرلاردى تەك مامانداندىرىلعان جوعارى وقۋ ورىندارىنىڭ تۇلەكتەرى عانا تولىقتىرمايدى.
باسقارما باستىعىنىڭ پىكىرىنشە، قالالىق پد 10 قىزمەتكەرىنىڭ تورتەۋى 25-كە تولماعان. جىل سايىن الماتىعا ارنايى ۋنيۆەرسيتەتتەردەن، قاراعاندى جانە ءىىم اكادەمياسىنان جۇمىسقا ورنالاسۋعا 100-120 ادام كەلەدى.
«سونىمەن قاتار، ءبىز ازاماتتىق ۋنيۆەرسيتەتتەردەن ىشكى ىستەر ورگاندارىنا قىزمەت ەتۋگە نيەت بىلدىرگەن ادامداردى دا الامىز. ءبىز ءوزىمىزدى ۇدايى جاڭارتىپ جاتىرمىز. ەگەر تەك جەكە قۇرامدى الاتىن بولساق، ونداعى جاڭارۋ ءۇردىسى شامامەن 40 %-عا جۋىقتايدى. بۇل دەگەنىمىز 25 جاسقا تولماعان قىزمەتكەرلەر جۇمىس جاسايدى دەگەندى بىلدىرەدى»، – دەپ ايتتى قانات تايمەردەنوۆ.