قانات دانيار ۇلىنىڭ ايتۋىنشا، قالانىڭ پوليسيا باسقارماسىنداعى جەكە قۇرام جانە بارشاسىن قوسا ساناعاندا 6040 قىزمەتكەر، تۇگەلىمەن 100 پايىز ەكپە قابىلداعان.
بۇل تۋرالى الماتى تەلەارناسىنداعى AKIMAT LIVE باعدارلاماسىندا الماتى قالاسى پوليسيا دەپارتامەنتىنىڭ باسشىسى ءمالىم ەتتى، دەپ حابارلايدى Almaty-akshamy.kz.
«وزدەرىڭىز بىلەسىزدەر، بىلتىر ءبىز دارىگەرلەرمەن بىرگە بلوك-بەكەتتە قىزمەت جاسادىق. كارانتين كەزىندە ءبىزدىڭ قىزمەتكەرلەر الدىڭعى شەپتە بولدى. 364 قىزمەتكەر وسى ىندەتپەن اۋىرىپ شىقتى. ءبىر قىزمەتكەرىمىز، وكىنىشكە قاراي، كوز جۇمدى. بيىل جاپپاي ۆاكسينالاۋ باستالعان كەزدە ءبىرىنشى بولىپ ەكپە الۋدى قولعا الدىق. قازىرگى تاڭدا پوليسيا دەپارتامەنتىندەگى جەكە قۇرام جانە بارلىق قىزمەتكەردى قوسقاندا 6040 قىزمەتكەر تولىعىمەن 100 پايىز ەكپە الدى»، – دەدى قانات تايمەردەنوۆ.