قازگيدرومەت سينوپتيكتەرى 29 شىلدە، سەنبىگە ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.
اتموسفەرالىق فرونتتاردىڭ ىقپالىمەن ەلىمىزدىڭ باسىم بولىگىندە تۇراقسىز اۋا رايى ساقتالادى.
جاڭبىر مەن بۇرشاق جاۋادى، نايزاعاي جارقىلداپ، داۋىل تۇرادى.
تەك رەسپۋبليكامىزدىڭ وڭتۇستىگىندە جاۋىن-شاشىن جوق، كۇن اشىق.
ەل بويىنشا جەل كۇشەيەدى.
كۇندىز الماتى، قىزىلوردا، باتىس قازاقستان، ماڭعىستاۋ، اقتوبە، جەتىسۋ، ۇلىتاۋ وبلىستارىندا، قوستاناي وبلىسىنىڭ وڭتۇستىگىندە، اتىراۋ وبلىسىنىڭ شىعىسىندا 35-41°س قاتتى ىستىق بولادى.
كۇندىز اقتوبە وبلىسىنىڭ وڭتۇستىگىندە +42°س وتە قاتتى ىستىق ساقتالادى.
سولتۇستىك قازاقستان، اقمولا وبلىستارىندا، اتىراۋ وبلىسىنىڭ شىعىسىندا، باتىس قازاقستان وبلىسىنىڭ باتىسىندا، ماڭعىستاۋ وبلىسىنىڭ باتىسىندا، سولتۇستىك-شىعىسىندا ءورت ءقاۋپى جوعارى.
ماڭعىستاۋ، تۇركىستان، جامبىل، شىعىس قازاقستان، قاراعاڭدى، اقتوبە، قىزىلوردا، ۇلىتاۋ، جەتىسۋ، اباي وبلىستارىندا، قوستاناي وبلىسىنىڭ وڭتۇستىگىندە، اتىراۋ وبلىسىنىڭ باتىسىندا، سولتۇستىگىندە، اقمولا وبلىسىنىڭ وڭتۇستىگىندە، باتىسىندا، الماتى وبلىسىنىڭ سولتۇستىگىندە، ورتالىعىندا توتەنشە ءورت ءقاۋپى بار.