«ءتورت توقسان – ءتورت ونەر» ۇلتتىق مادەني-اعارتۋشىلىق جوباسى اياسىندا وقۋ-اعارتۋ مينيسترلىگىنە قاراستى رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىنىڭ ۇيىمداستىرۋىمەن «اقىندار ايتىسى» رەسپۋبليكالىق بايقاۋى ءوتتى.
قازاق حالقى ەجەلدەن ءسوز شەبەرلەرىن، ايتىس ونەرىن مەڭگەرگەن ادامداردى اسا قۇرمەتتەيدى. اقىندار - جاي عانا ءسوز شەبەرى ەمەس، ولار تەرەڭ ءبىلىم مەن ونەردىڭ ناق يەسى. بۇل جانر قازاق ادەبيەتى مەن فولكلورىنىڭ قۇرامداس بولىگى، سونداي-اق حالىق اۋىز ادەبيەتىنىڭ كەڭ تاراعان تۇرلەرىنىڭ ءبىرى، دەپ حابارلايدى Almaty-akshamy.kz ق ر وقۋ-اعارتۋ مينيسترلىگىنە سىلتەمە جاساپ.
رەسپۋبليكانىڭ ءار ەلدى مەكەنىندەگى بارلىق مەكتەپتەردە، مەكتەپتەن تىس ۇيىمداردا جانە كوللەدجدەردە جاس سۋىرىپ سالما اقىنداردىڭ «اقىندار ايتىسى» اقتىق سايىستارى ءوتتى.
«بۇل شارادا 400 مىڭنان استام وقۋشى ءتۇرلى جانردا ب ا ق سىناسىپ، ناعىز اقىندىق جەكپە-جەكتىڭ ەرەكشە كۇيىن سىيلادى. بايقاۋلار «بادىك»، «جار-جار»، «جۇمباق ايتىسى»، «قىز بەن جىگىت ايتىسى»، سونداي-اق «جانۋار مەن ادامنىڭ ايتىسى» مانەرىندە ءوتتى»، - دەدى ءرقبواو-نىڭ ديرەكتورى رايسا شەر.
بۇل بايقاۋ رۋحاني-ادامگەرشىلىك، ەستەتيكالىق جانە ۇلتتىق تۇرعىدان دامۋدىڭ، سونداي-اق بالالار مەن جاسوسپىرىمدەردىڭ پاتريوتتىق قۇندىلىقتارىن قالىپتاستىرۋدىڭ نەگىزگى فاكتورى بولىپ تابىلادى.