قازاقستاننىڭ باسىم بولىگىندە جاڭبىر مەن قار جاۋادى
سينوپتيكتەر قازاقستاندا 2022 جىلدىڭ 4 قاراشاسىنا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
«قازگيدرومەت» رمك مالىمەتى بويىنشا، رەسپۋبليكا بويىنشا اتموسفەرالىق فرونتالدى ۋچاسكەلەردىڭ وتۋىمەن اۋا رايىنىڭ تۇراقسىز سيپاتى ساقتالادى، جاڭبىر مەن قار تۇرىندەگى جاۋىن-شاشىن وتەدى.
رەسپۋبليكادا تۇمان، جەلدىڭ كۇشەيۋى كۇتىلەدى، سولتۇستىك-باتىستا، سولتۇستىكتە از بۇرقاسىن، باتىستا، سولتۇستىك-باتىستا، سولتۇستىكتە كوكتايعاق بولادى.
كۇندىز اقمولانىڭ باتىسىندا، قوستاناي وبلىستارىنىڭ سولتۇستىگىندە قاتتى جاۋىن-شاشىن (جاڭبىر، قار)، تۇركىستان وبلىسىنىڭ تاۋلى ايماقتارىندا قاتتى جاڭبىر كۇتىلەدى.
استانادا كۇن بۇلتتى، وتكىنشى جاۋىن-شاشىن (جاڭبىر، قار). جەل وڭتۇستىك، وڭتۇستىك-باتىستان 9-14، كەيدە ەكپىنى 15-20 م/س. اۋا تەمپەراتۋراسى تۇندە +1+3°س، كۇندىز +4+6°س.
الماتىدا كۇن بۇلتتى، جاۋىن-شاشىنسىز. تۇندە جانە تاڭەرتەڭ تۇمان. جەل 2-7 م/س. اۋا تەمپەراتۋراسى تۇندە +4+6°س، كۇندىز +11+13°س.
شىمكەنتتە كوشپەلى بۇلت شىعادى، تاڭەرتەڭ جانە كۇندىز جاڭبىر جاۋادى. وڭتۇستىك-باتىستان سوعاتىن جەل سولتۇستىك-باتىسقا اۋىسادى، كۇشى 8-13 م/س. اۋا تەمپەراتۋراسى تۇندە +5+7°س، كۇندىز +13+15°س.