200-گە جۋىق كاسىپكەر جاۋاپقا تارتىلدى
قازاقستاندا پوليسيا 3،5 مىڭ توننا ناسىباي تاركىلەدى. بۇل تۋرالى ءىىم رەسمي وكىلى شىڭعىس الەكەشيەۆ ايتتى، دەپ حابارلايدى اlmaty-akshamy.kz.
ول ناۋرىز مەيرامى قارساڭىندا جانە اياقتالعاننان كەيىن «قۇقىقتىق ءتارتىپ» ءىس-شاراسى اياسىندا تەمەكى ونىمدەرىن زاڭسىز تاراتۋ فاكتىسىن انىقتاۋ ءۇشىن رەيدتەر جۇرگىزىلگەنىن جەتكىزدى.
ناتيجەسىندە جەكەلەگەن قوعامدىق ورىنداردا تەمەكى ونىمدەرىن تۇتىنۋدىڭ 1،5 مىڭ فاكتىسى توقتاتىلدى. كامەلەتكە تولماعاندارعا تەمەكى ونىمدەرىن ساتۋدىڭ 174 فاكتىسى انىقتالدى. 21 جاسقا تولماعان ادامدارعا تەمەكى ونىمدەرىن ساتقان 186 كاسىپكەر جاۋاپقا تارتىلدى، - دەدى شىڭعىس الەكەشيەۆ ىىم-دە وتكەن ونلاين بريفينگتە.
سونداي-اق شەگىلمەيتىن تەمەكى ونىمدەرىن (ناسىباي، سنيۋس) ساتۋ مەن تاراتۋدىڭ 1،5 مىڭنان اسا فاكتىسى تىركەلگەن.
شەگىلمەيتىن تەمەكى ونىمدەرىن وندىرگەن جاسىرىن 2 سەح انىقتالدى. شامامەن 3،5 توننا ناسىباي تاركىلەندى. مىسالى، اقتوبە قالاسىندا ۇيلەردىڭ بىرىندە ناسىباي وندىرىلگەن. ول جەردەن جالپى سالماعى 500 كەلى بولاتىن 5 قاپ شەگىلمەيتىن تەمەكى ءونىمى تاركىلەندى، - دەدى رەسمي وكىل.