35 جاسقا دەيىنگىلەر «جاستار» ساناتىنا كىرەدى

بۇل تۋرالى پارلامەنت ءماجىلىسىنىڭ جالپى وتىرىسىندا دەپۋتات ءجاميلا نۇرمانبەتوۆا ايتتى، دەپ حابارلايدى almaty-akshamy.kz 

اتاپ ايتقاندا، بۇل نورما «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك جاستار ساياساتى جانە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا قامتىلعان. پالاتا دەپۋتاتتارى وسى قۇجاتتى ەكىنشى وقىلىمدا ماقۇلدادى.

زاڭ جوباسى مەملەكەتتىك جاستار ساياساتى سالاسىن جەتىلدىرۋگە، قوعامدىق قاتىناستاردى كەشەندى رەتتەۋدىڭ ءتيىمدى قۇقىقتىق نەگىزىن قالىپتاستىرۋعا، جۇمىسپەن قامتۋدى قامتاماسىز ەتۋگە، جاستاردىڭ دامۋىنا قولايلى جاعداي جاساۋعا باعىتتالعان.

«زاڭ جوباسىمەن جۇمىس بارىسىندا دەپۋتاتتار «جاستار» ۇعىمىنىڭ جاس شەگىن 29-دان 35 جاسقا دەيىن ۇلعايتۋعا باعىتتالعان تۇزەتۋ ەنگىزدى. بۇل جاستاردىڭ الەۋمەتتىك بەلسەندىلىگىن ارتتىرۋعا ىقپال ەتەدى. جەرگىلىكتى اتقارۋشى ورگاندارعا جاستارعا جەڭىلدىكپەن جالعا بەرىلەتىن تۇرعىن ءۇي تاپسىرۋ جونىندەگى باعدارلامانى ازىرلەۋ جانە ىسكە اسىرۋ بويىنشا جاڭا قۇزىرەت بەرۋگە باعىتتالعان تۇزەتۋلەر ەنگىزدى»، - دەدى ءجاميلا نۇرمانبەتوۆا.