ءتورت كولىكتىڭ قاتىسۋىمەن بولعان جول-كولىك وقيعاسى بويىنشا ماتەريال قارالعان
مۇنداي قۋلىقتى قاراعاندى وبلىسىنان الماتىعا كەلگەن 1991 جىلى تۋعان ش.ەسىمدى ازامات جاسادى، دەپ حابارلايدى Almaty-akshamy.kz.
«ءتورت كولىكتىڭ قاتىسۋىمەن بولعان جول-كولىك وقيعاسى بويىنشا ماتەريال قارالىپ جاتقان اۋەزوۆ اۋداندىق پوليسيا باسقارماسىنىڭ اكىمشىلىك تاجىريبە بولىمىندە جالعان قۇجات جاساعان ەر ادام انىقتالدى. كىنالى - ش.ەسىمدى ازامات. ول جاپپاي جول اپاتىنا سەبەپ بولدى. ءىستى قاراۋ بارىسىندا پوليسيا قىزمەتكەرى كۇدىكتىنىڭ جۇرگىزۋشى كۋالىگىنىڭ شىنايىلىعىنا كۇمانداندى: سۋرەت ونىكى، ال جسن باسقا ادامدىكى. تەرگەۋ بارىسىندا جۇرگىزۋشىنىڭ ناقتى دەرەكتەرى انىقتالىپ، ناتيجەسىندە 2019 جىلى كولىكتى ماس كۇيىندە باسقارعانى ءۇشىن ۇستالىپ، سوت ۇكىمىمەن ءۇش جىل مەرزىمگە كولىك قۇرالىن باسقارۋ قۇقىعىنان ايىرىلعانى بەلگىلى بولدى»، - دەدى، الماتى قالالىق اكىمشىلىك پوليسيا باسقارماسىنىڭ باستىعى، پوليسيا پولكوۆنيگى نۇرلان امانبەك.
قۇجاتتاردى قولدان جاساۋ دەرەگى ق ر قك-نىڭ 385 بابى بويىنشا تىركەلدى. ونى اۋەزوۆ اۋداندىق پوليسيا باسقارماسى تەرگەپ جاتىر. كۇدىكتى ءوزىن قورعاۋ ءۇشىن، جەكە تاسىمالداۋمەن كۇن كورەتىندىكتەن قىلمىس جاساۋعا مۇقتاج بولعاندىعىن ايتتى.