قازاقستان قور بيرجاسى (KASE) 15:30-داعى جاعداي بويىنشا دوللاردىڭ ورتاشا سارالانعان باعامى 1،83 تەڭگەگە تومەندەپ، 459،69 تەڭگە بولعانىن مالىمدەدى، دەپ حابارلايدى Zakon.kz.
جۇڭگو ءيۋانىنىڭ ورتاشا سارالانعان باعامى دا تومەندەپ، 63،20 تەڭگە (-0،10) بولدى.
ەۋرو باعامىن ۇلتتىق بانك 498،96 تەڭگە، ءرۋبلدى 4،83 تەڭگە دەپ بەلگىلەدى.
اقشا ايىرباستاۋ ورىندارىندا دوللار – 458-462 تەڭگە، ەۋرو – 498،5-503،5 تەڭگە، رەسەي ءرۋبلى – 4،71-4،91 تەڭگە ارالىعىندا ساتىلىپ جاتىر.
ال 31 تامىزداعى ساۋدادا الەمدىك مۇناي باعاسى كوتەرىلدى.
ICE Futures ەلەكتروندىق ساۋداسىندا Brent ماركالى مۇنايدىڭ قاراشاداعى فيۋچەرستەرىنىڭ قۇنى باررەلىنە 0،14%-عا ءوسىپ، 85،36 دوللار بولدى.
NYMEX ەلەكتروندىق ساۋداسىندا WTI ماركالى مۇنايدىڭ قازانداعى فيۋچەرستەرى 0،22%-عا ءوسىپ، باررەلىنە 81،81 دوللار بولدى.