«قازگيدرومەت» رمك 30 شىلدەگە ارنالعان قازاقستان اۋماعىنداعى سينوپتيكالىق جاعداي مەن ءقاۋىپتى اۋا رايى قۇبىلىستارى تۋرالى بولجامىن جاريالادى، دەپ حابارلايدى Almaty-akshamy.kz.
اۋا رايى بولجامىنا سايكەس، قازاقستاندا تۇراقسىز اۋا رايى ساقتالادى.
«اتموسفەرالىق فرونتالدى ۋچاسكەلەردىڭ وتۋىمەن قازاقستان رەسپۋبليكاسىنىڭ باسىم بولىگىندە اۋا رايى تۇراقسىز بولادى، نايزاعاي ويناپ، جاڭبىر جاۋادى. قازاقستان رەسپۋبليكاسىنىڭ باتىسىندا شاڭدى داۋىل كۇتىلەدى. تەك رەسپۋبليكانىڭ وڭتۇستىگىندە كۇن رايى جاۋىن-شاشىنسىز بولادى، رەسپۋبليكا بويىنشا جەل كۇشەيەدى بولجاندى» دەپ حابارلادى «قازگيدرومەت» رمك
كۇندىز الماتى، قىزىلوردا، ماڭعىستاۋ، اقتوبە، جەتىسۋ، ۇلىتاۋ وبلىستارىندا، قوستاناي، قاراعاندى وبلىستارىنىڭ وڭتۇستىگىندە 35-42°س اپتاپ ىستىق بولادى.
اقتوبە وبلىسىنىڭ وڭتۇستىگىندە كۇندىز 42°س وتە قاتتى ىستىق بولادى.
الماتى، تۇركىستان، اقتوبە، قاراعاندى، قىزىلوردا، شىعىس قازاقستان، ۇلىتاۋ، اباي، جەتىسۋ وبلىستارىنىڭ باسىم بولىگىندە، قوستاناي وبلىسىنىڭ وڭتۇستىگىندە، پاۆلودار وبلىستارىنىڭ وڭتۇستىگىندە، شىعىسىندا توتەنشە ءورت ءقاۋپى بار.
ماڭعىستاۋ وبلىسىنىڭ باسىم بولىگىندە توتەنشە ءورت ءقاۋپى، وبلىستىڭ باتىسىندا جوعارى ءورت ءقاۋپى بار دەپ بولجاندى.
اتىراۋ وبلىسىنىڭ شىعىسىندا جوعارى ءورت ءقاۋپى، باتىستا جانە سولتۇستىكتە وتە جوعارى ءورت ءقاۋپى بار.
اقمولا وبلىسىنىڭ باسىم بولىگىندە جوعارى ءورت ءقاۋپى، باتىستا جانە وڭتۇستىكتە توتەنشە ءورت ءقاۋپى ساقتالادى.