قۇرىلىستىڭ كوبى جاقسى ساقتالىپ قالعان
يسپانيادا 30 جىل بۇرىن سۋ باسقان اۋىل قايتا پايدا بولدى. وعان قۋاڭشىلىق سەبەپ، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
وقيعا گاليسيا وڭىرىندە بولعان. 1992 جىلى مۇندا سۋ ەلەكتر ستانساسىنىڭ قۇرىلىسى باستالىپ، اسەرەدو اۋىلىن سۋ باسقان. وندا تۇرىپ جاتقان 100-دەن اسا ادامعا وتەماقى تولەنىپ، بارلىعى وزگە وڭىرلەرگە كوشىرىلگەن.
ءبىراق كەيىنگى ۋاقىتتا قۇرعاقشىلىق سالدارىنان بوگەتتەگى سۋ تارتىلىپ، اۋىل قايتا كورىنە باستادى. مۇنى ءوز كوزىمەن كورۋ ءۇشىن وزگە ايماقتاردان تۋريستەر اعىلىپ جاتىر. ويتكەنى 30 جىل بويى سۋ استىندا بولعانىنا قاراماستان، قۇرىلىستىڭ كوبى جاقسى ساقتالىپ قالعان ەكەن.