وتكەن ايدا 1 مىڭنان استام موپەد ايىپ تۇراعىنا قويىلدى، دەپ حابارلايدى aqshamnews.kz
ءىىم-نىڭ مالىمەتىنشە، 19-ى مەن 21ء-شى شىلدە ارالىعىندا موپەدتى باسقارۋ تارتىبىنە قاتىستى جەدەل پروفيلاكتيكالىق ءىس شارا وتكەن. ونىڭ اياسىندا موپەد جۇرگىزۋشىلەرى اراسىنان 3 مىڭنان استام قۇقىق بۇزۋ دەرەگى انىقتالدى.
ەسكە سالايىق، بيىل ەل اۋماعىندا 5 ساۋىرگە دەيىن موپەدتەردى رەسمي تىركەۋ مىندەتى قويىلدى. بۇگىندە ءتيىستى زاڭعا سايكەس تىركەلگەن موپەدتەر سانى 48 139-عا جەتكەن.
ايتا كەتۋ كەرەك، موپەدتەردى تىركەۋ ءۇشىن تۇرعىلىقتى جەرى بويىنشا مامانداندىرىلعان حالىققا قىزمەت كورسەتۋ ورتالىعىنا بارىپ، جەكە باسىن كۋالاندىراتىن قۇجات پەن موپەدتىڭ تەحنيكالىق قۇجاتىن ۇسىنۋ كەرەك.