تاياۋ شىعىستاعى قارۋلى قاقتىعىستان 3 اپتا ىشىندە 3 450 بالا كوز جۇمعان.
بۇل تۋرالى بىرىككەن ۇلتتار ۇيىمى مالىمدەدى. بەيكۇنا سابيلەردىڭ ءولىمى كۇن ساناپ ارتۋدا. ۇيىم وكىلدەرى دەرەۋ سوعىستى دوعارۋ كەرەك ەكەنىن ايتىپ، دابىل قاقتى، دەپ حابارلايدى Almaty-akshamy.kz 24.kz-كە سىلتەمە جاساپ.
جاعدايدى گۋمانيتارلىق كومەكتىڭ كەلمەۋى ۋشىقتىرىپ وتىر. دۇنيەجۇزىلىك دەنساۋلىق ساقتاۋ ۇيىمنىڭ دەرەگىنشە، 130-دان استام شالا تۋعان بالا ارنايى قۇرىلعىدا جاتىر. 50 مىڭنان استام جۇكتى ايەل، 350 مىڭنان استام ادام ءتۇرلى دەرتپەن تىركەۋدە تۇر. بۇدان بولەك، 2 ميلليوننان استام ادام اۋىزسۋ مەن دارى-دارمەككە ءزارۋ.
«گازا قالا ەمەس، بالالاردىڭ مازارىنا اينالدى. ورتاشا ەسەپپەن كۇن سايىن 420 بالا ءولىم قۇشىپ، اۋىر جاراقات الىپ جاتىر. شابۋىلدى تىم بولماسا 72 ساعاتقا توقتاتسا، مىڭداعان بالانىڭ ءومىرىن ساقتار ەدىك»، - دەيدى «يۋنيسەف» بالالار قورىنىڭ وكىلى دجەيمس ەلدەر.