جەتى وڭىرىندە داۋىلدى ەسكەرتۋ جاريالاندى
29 شىلدەدە ەلىمىزدىڭ جەتى وبلىسىندا داۋىلدى ەسكەرتۋ جاريالاندى، دەپ حابارلايدى Almaty-akshamy.kz.
سولتۇستىك قازاقستان وبلىسىنىڭ باسىم بولىگىندە جاڭبىر جاۋادى، تۇندە وبلىستىڭ سولتۇستىگىندە، باتىسىندا نوسەر جاڭبىر جاۋادى. وبلىستىڭ سولتۇستىگىندە، باتىسىندا، وڭتۇستىگىندە تۇندە جانە تاڭەرتەڭ تۇمان تۇسەدى. تۇندە وبلىستىڭ سولتۇستىگىندە، باتىسىندا سولتۇستىك-شىعىستان ەكپىنى 15-20 م/س جىلدامدىقپەن جەل سوعادى، ءوڭىردىڭ سولتۇستىگىندە، باتىسىندا جەل ەكپىنى 23 م/س جەتەدى.
قاراعاندى وبلىسىنىڭ سولتۇستىك جارتىسىندا نايزاعاي ويناپ، بۇرشاق تۇسەدى دەپ كۇتىلەدى. سولتۇستىك-باتىستان سولتۇستىك-شىعىسقا ويىسا سوققان جەلدىڭ نايزاعاي ويناعان كەزدەگى ەكپىنى 18-23 م/س قۇرايدى. قاراعاندىدا نايزاعاي وينايدى. سولتۇستىك-باتىستان سوققان جەل سولتۇستىك-شىعىسقا ويىسىپ، نايزاعاي جارقىلداعان كەزدەگى ەكپىنى 18 م/س جەتەدى.
قىزىلوردا وبلىسىنىڭ سولتۇستىگىندە نايزاعاي وينايدى. ءوڭىردىڭ سولتۇستىگىندە، ورتالىعىندا سولتۇستىك-باتىستان 15-20 م/س جىلدامدىقپەن جەل سوعادى، وبلىستىڭ باسىم بولىگىندە جانە قىزىلوردادا توتەنشە ءورت ءقاۋپى ساقتالادى.
كۇندىز تۇركىستان وبلىسىنىڭ تاۋلارىندا نايزاعاي وينايدى. وبلىستىڭ سولتۇستىگىندە، تاۋلى اۋداندارىندا سولتۇستىك-باتىستان 15-20 م/س جىلدامدىقپەن جەل سوعادى.
كۇندىز باتىس قازاقستان وبلىسىنىڭ باتىسىندا، سولتۇستىك-باتىسىندا نايزاعاي وينايدى.
اقتوبە وبلىسىنىڭ وڭتۇستىگىندە، باتىسىندا نايزاعاي وينايدى. وبلىستىڭ وڭتۇستىگى مەن شىعىسىندا سولتۇستىك-شىعىستان، سولتۇستىكتەن 15-20 م/س جىلدامدىقپەن جەل سوعادى.
اتىراۋ وبلىسىنىڭ شىعىسىندا نايزاعاي وينايدى دەپ كۇتىلەدى. كۇندىز قاتتى ىستىق بولادى: +35°C. وبلىستىڭ وڭتۇستىگىندە توتەنشە ءورت ءقاۋپى ساقتالادى.