التى وڭىرىندە تۇمان ءتۇسىپ، كۇن كۇركىرەيدى
28 ساۋىردە ەلىمىزدىڭ التى وبلىسىندا قولايسىز اۋا رايىنا بايلانىستى ەسكەرتۋ جاريالاندى، دەپ حابارلايدى Almaty-akshamy.kz "قازگيدرومەت" رمك باسپا ءسوز قىزمەتىنە سىلتەمە جاساي وتىرىپ.
تۇندە جانە تاڭەرتەڭ ماڭعىستاۋ وبلىسىنىڭ باتىسىندا، وڭتۇستىگىندە تۇمان تۇسەدى دەپ بولجانادى. اقتاۋدا تۇندە جانە تاڭەرتەڭ تۇمان بولادى.
تاڭەرتەڭ جانە تۇستەن كەيىن قوستاناي وبلىسىنىڭ سولتۇستىگىندە، شىعىسىندا نايزاعاي وينايدى دەپ كۇتىلەدى. وبلىستىڭ وڭتۇستىگىندە تۇمان بولادى. ءوڭىردىڭ سولتۇستىگىندە، شىعىسىندا وڭتۇستىك-باتىستان سولتۇستىك-شىعىسقا ويىسا سوققان جەلدىڭ ەكپىنى 15-20 م/س قۇرايدى.
جەتىسۋ وبلىسىنىڭ الاكول اۋدانىندا شىعىستان سوققان جەلدىڭ ەكپىنى 17-22 م/س، كەي تۇستا 28 م/س دەيىن جەتەدى.
كۇندىز سولتۇستىك قازاقستان وبلىسىنىڭ سولتۇستىگىندە، شىعىسىندا نايزاعاي وينايدى دەپ بولجانادى. تۇندە جانە تاڭەرتەڭ وبلىستىڭ باتىسىندا تۇمان ءتۇسۋى ىقتيمال. تۇندە وبلىستىڭ سولتۇستىگىندە، باتىسىندا وڭتۇستىك-باتىستان، باتىستان، كۇندىز وبلىستىڭ باسىم بولىگىندە 15-20 م/س جىلدامدىقپەن جەل سوعادى، وبلىستىڭ سولتۇستىگىندە، شىعىسىندا سوققان جەلدىڭ ەكپىنى 25 م/س قۇرايدى. پەتروپاۆلدا كۇندىز وڭتۇستىك-باتىستان، باتىستان سوققان جەلدىڭ ەكپىنى 15-20 م/س، كەي تۇستا 25 م/س دەيىن جەتەدى.
كۇندىز پاۆلودار وبلىسىنىڭ سولتۇستىگىندە وڭتۇستىك-باتىستان 15-20 م/س جىلدامدىقپەن جەل سوعادى دەپ كۇتىلەدى.
كۇندىز تۇركىستان وبلىسىنىڭ تاۋلارىندا نايزاعاي ويناۋى ىقتيمال. وبلىستىڭ تاۋلى اۋداندارىندا شىعىستان، وڭتۇستىك-شىعىستان سوققان جەلدىڭ ەكپىنى 15-20 م/س بولادى.