كۇدىكتى ۇستالىپ، ۋاقىتشا ۇستاۋ يزولياتورىنا قاماۋعا الىندى، دەپ حابارلايدى aqshamnews.kz Polisia.kz-كە سىلتەمە جاساپ.
"زاڭ جانە ءتارتىپ" قاعيداتى اياسىندا جەتىسۋ وبلىسىنىڭ پد ەسىرتكى قىلمىسىنا قارسى ءىس-قيمىل باسقارماسى قىزمەتكەرلەرى وبلىستىق پروكۋراتۋرامەن بىرلەسە وتىرىپ، "قاراسورا" جەدەل-پروفيلاكتيكالىق ءىس-شاراسى بارىسىندا تاكسيمەن ءىرى كولەمدە ەسىرتكى زاتىن تاسىمالداماق بولعان 28 جاستاعى الماتىلىقتى ۇستادى.
جەدەل-ىزدەستىرۋ ءىس-شارالارى الماتى – وسكەمەن اۆتوجولى بويىمەن الماتى قالاسى – تالدىقورعان باعىتى بويىنشا باقىلاناتىن جەتكىزۋ ادىسىمەن جۇرگىزىلدى. تاكسي جۇرگىزۋشىسىنىڭ باسقارۋىنداعى Lexus 350 اۆتوكولىگىن تەكسەرۋ كەزىندە جۇكسالعىشتان اق قاپ تابىلدى. ونىڭ ىشىندە سكوچپەن ورالعان قارا ءتۇستى پوليەتيلەن قاپشىقتىڭ ىشىندە جاسىل ءتۇستى ۇنتاق ءتارىزدى وسىمدىك تەكتەس زات بولعان. الىنعان زات جالپى سالماعى 5 كەلى 952 گرامم بولاتىن گاشيش ەسىرتكى قۇرالى بولىپ شىقتى. كۇدىكتى ۇستالىپ، ۋاقىتشا ۇستاۋ يزولياتورىنا قاماۋعا الىندى. قازىرگى ۋاقىتتا تەرگەۋ امالدارى جۇرگىزىلۋدە.