قازپوشتانىڭ وڭىرلىك فيليالدارىندا 11 قىلمىستىق ءىس تىركەلدى.
مەكەمەدە ىشكى تەرگەۋ جۇمىستارى جۇرگىزىلىپ، 2023 جىلدىڭ قورىتىندىسى بويىنشا ءبىرقاتار وڭىردە جالپى سوماسى 273 ملن تەڭگە بولاتىن قارجىلىق زاڭ بۇزۋشىلىقتار انىقتالدى، دەپ حابارلايدى Almaty-akshamy.kz
«ءقازىر ىشكى تەكسەرۋ ماتەريالدارى پروسەسسۋالدىق شەشىم قابىلداۋ جانە كۇدىكتىلەردى جاۋاپقا تارتۋ، سونداي-اق كەلتىرىلگەن شىعىن سوماسىن وتەۋ ءۇشىن ەكونوميكالىق تەرگەۋ دەپارتامەنتىنە جولداندى. زاڭ بۇزۋشىلىق فاكتىلەرى قاتارىندا جىمقىرۋ، الاياقتىق، ۇرلىق جانە زاڭسىز سىياقى الۋ فاكتىلەرى بار. بارلىعى 7 وڭىرلىك فيليالدا 11 قىلمىستىق ءىس تىركەلدى»، – دەلىنگەن حابارلامادا.
«قازپوشتا» اق ورتالىقتا جانە جەرگىلىكتى جەرلەردە ءتۇرلى زاڭبۇزۋشىلىق ارەكەتتەرمەن كۇرەستى ودان ءارى جالعاستىرادى جانە اتالعان باعىت بويىنشا قۇقىق قورعاۋ ورگاندارىمەن بىرلەسىپ جۇمىس ىستەيتىن بولادى.