قاراعاندى وبلىسىنىڭ پوليسياسىنا 61 جاستاعى اۋىل تۇرعىنى مەن ونىڭ 43 جاستاعى ۇلى ارىزدانعان، دەپ حابارلايدى aqshamnews.kz وبلىستىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
ۇلىنىڭ ايتۋىنشا، ءبارى مەسسەندجەر ارقىلى بانك قىزمەتكەرىنەن كەلگەن حابارلامادان باستالعان. ودان كەيىن وعان ءوزىن «پوليسيا قىزمەتكەرى» دەپ تانىستىرعان الاياق قوڭىراۋ شالىپ، ونى الداۋعا تىرىسقانىن ايتىپ، ءارى قارايعى نۇسقاۋلاردى ورىنداۋدى ۇسىنعان. الاياقتار جالعان قۇجاتتار مەن بەينەمازمۇندى پايدالانىپ، ەر ادامنىڭ سەنىمىنە كىرگەن.
الاياقتار ەر ادامدى بانك قوسىمشالارىن جۇكتەۋگە جانە جەتى بانككە نەسيە الۋعا ءوتىنىش بەرۋىنە ماجبۇرلەگەن. ءبىراق وتىنىشتەردىڭ ءبارى قابىلدانباعان. مۇنان تۇك شىقپاعان سوڭ الاياقتار ءوزى جيناعان 834 مىڭ تەڭگەنى اۋدارۋعا يلاندىرعان.
كەلەسى كۇنى الاياقتار اكەسىنە بايلانىسقا شىققان. وعان دا نەسيەلەر ءۇشىن ءوتىنىش بەرگىزگەن. ءسويتىپ، الىنعان نەسيىنىڭ 1 ميلليون 900 مىڭ تەڭگەسىن الاياقتارعا اۋدارعان. الايدا ەكىنشى 3،3 ميلليون تەڭگەلىك نەسيە پوليسيا مەن بانك قىزمەتكەرلەرىنىڭ ارەكەتتەرىنىڭ ارقاسىندا بۇعاتتالدى.
ناتيجەسىندە جالپى شىعىن 2،7 ميلليون تەڭگەنى قۇرادى.
قازىرگى ۋاقىتتا قىلمىستىق ءىس قوزعالدى.