ازاماتتار وسى كەزەڭدە تۇرعىن ءۇي باعدارلاماسىنا بايلانىستى قىزمەتتەردى پايدالانا المايدى.
«جىلجىمايتىن مۇلىكتىڭ ءبىرىڭعاي مەملەكەتتىك كاداسترى» جاڭا اقپارات جۇيەسىنە كوشۋىنە بايلانىستى جىلجىمايتىن مۇلىك جەلىسى بويىنشا قىزمەتتەر كورسەتۋگە ءوتىنىمدى قابىلداۋ ۋاقىتشا توقتاتىلادى، دەپ حابارلايدى اlmaty-akshamy.kz Aikyn.kz-كە سىلتەمە جاساپ.
26 ءساۋىر مەن 9 مامىر ارالىعىندا ەلىمىزدىڭ حقكو-لارىندا جىلجىمايتىن مۇلىككە قۇقىقتاردى مەملەكەتتىك تىركەۋ، مىندەتتى تىركەۋگە جاتپايتىن جىلجىمالى مۇلىكتى تىركەۋ جانە جىلجىمايتىن مۇلىك نىساندارىن تەحنيكالىق تەكسەرۋ سالاسىندا قىزمەت تۇرلەرىن كورسەتپەيدى.
قاعاز جەتكىزۋ قىزمەتتىڭ ورىندالۋى ءارى قۇجاتتاردى جەتكىزۋ مەرزىمىنىڭ ۇزاقتىعىنا بايلانىستى حقكو-لاردا كورسەتىلەتىن قىزمەتتەردى قابىلداۋ eGov.kz-تەن بۇرىن توقتاتىلادى. قىزمەتكە 26 ساۋىرگە دەيىن تاپسىرىس بەرگەن ازاماتتار ناتيجەنى كورسەتىلگەن مەرزىمدە الا الادى.
سونىمەن قاتار 2-9 مامىر ارالىعىندا eGov.kz پورتالى ارقىلى جىلجىمايتىن مۇلىكتى رەسىمدەۋگە ءارى تەحنيكالىق تەكسەرۋگە قۇجاتتاردى ونلاين قابىلداۋ، نوتاريۋستار، سالىق جۇيەلەرى ارقىلى، ەكىنشى دەڭگەيدەگى بانكتەر جانە ادىلەت مينيسترلىگىنىڭ اتقارۋشى ورگاندارىنىڭ جۇيەلەرى بويىنشا قابىلداۋ توقتاتىلادى. ودان بولەك، كورسەتىلگەن كەزەڭدە ازاماتتار تۇرعىن ءۇي باعدارلامالارىنا بايلانىستى قىزمەتتەردى پايدالانا المايدى.
«جاڭا جۇيەگە كوشۋ مەرەكە كۇندەرى ۇيىمداستىرىلادى. ايتا كەتەيىك، جمبمك-عا كوشۋ كەزىندە جەر ۋچاسكەلەرىن رەسىمدەۋگە بايلانىستى بارلىق جاعداي كەزەڭ-كەزەڭىمەن سيفرلانادى. ودان بولەك، مەملەكەتتىك قىزمەتتەردىڭ بارلىق سپەكترىن كورسەتۋ، ونىڭ ىشىندە جاڭا جانە قولدانىستاعى ۋچاسكەلەر بويىنشا تۇزەتۋ ەنگىزۋ مۇمكىندىگى كوزدەلگەن. سونداي-اق سىبايلاس جەمقورلىق قاۋپىنە جول بەرمەۋ ماقساتىندا جەر ۋچاسكەلەرى مەن جىلجىمايتىن مۇلىكتى رەسىمدەۋ زاڭناما تۇرعىسىندا قاراستىرىلادى»، – دەدى كورپوراسيانىڭ باسقارما ءتوراعاسى سۇيەنىش ءابدىلدين.