ءىىم اقمولا وبلىسىنىڭ كەندەرىندە قۇرامىندا التىنى بار ماتەريالداردىڭ زاڭسىز اينالىمىنا قاتىسى بار زاڭسىز كەن قازۋشىلاردىڭ ارەكەتىن توقتاتۋ بويىنشا جۇيەلى جۇمىس جۇرگىزىپ كەلەدى، – دەپ حابارلايدى Polisia.kz.
بيىل پوليسيا قىزمەتكەرلەرى 400-دەن استام زاڭسىز كەن قازۋشىلاردى ۇستاپ، جاۋاپكەرشىلىككە تارتتى. سەگىز قىلمىستىق ءىس تىركەلدى. سونداي-اق توپ بولىپ ارەكەت ەتەتىن كەن قازۋشىلاردىڭ بريگادالارى انىقتالىپ، جولى كەسىلدى.
وسىنداي ۇيىمداسقان توپ بيىل قاڭتار ايىندا اقمولا وبلىسى پد ۇيىمداسقان قىلمىسقا قارسى كۇرەس باسقارماسىمەن ۇستالىپ، كەندى قايتا وڭدەيتىن زاڭسىز سەح جويىلدى. سالماعى 600 كگ-نان استام قۇرامىندا التىنى بار 26 قاپ تاركىلەندى.
ءساۋىر ايىندا ستەپنوگورسك قالاسى پروكۋراتۋراسىنىڭ ۇيلەستىرۋىمەن ۇيىمداسقان قىلمىسقا قارسى كۇرەس ءبولىنىسى التىن ۇرلاۋمەن اينالىسقان ءۇش زاڭسىز كەن قازۋشى بريگادانىڭ جولىن كەستى.
– كەندى قايتا وڭدەيتىن ءۇش شاعىن سەح، سەگىز توننادان استام قۇرامىندا التىنى بار كونسەنترات، كونترافاكتىلىك زەرگەرلىك بۇيىمداردىڭ ونداعان جيىنتىعى تاركىلەندى. شاحتانىڭ 200 مەتر تەرەڭدىگىندە جەراستى جۋۋ سەحى تابىلدى. پوليسياعا 20-دان استام ادام جەتكىزىلدى. تەرگەۋ جالعاسۋدا، – دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
26 مامىردا اقسۋ جانە بەستوبە ەلدى مەكەندەرىندە جەدەل-ىزدەستىرۋ ءىس-شارالارىن جۇرگىزۋ كەزىندە تاعى ءۇش جەراستى كەن وڭدەۋ سەحى تابىلدى.
– ءار ءتۇرلى جابدىقتار، شامامەن 300 قاپ كەن تاركىلەندى. قىلمىستىق سحەمانىڭ ۇيىمداستىرۋشىلارى مەن قىزمەتكەرلەرى ۇستالدى. بۇل باعىتتاعى جۇمىس جالعاسۋدا جانە ەرەكشە باقىلاۋدا، – دەدى قۋاندىق الپىس.