ەلدىڭ باسىم بولىگىندە قار جاۋادى
قازگيدرومەت 26 جەلتوقساندا بولاتىن ەرەكشە مەتەورولوگيالىق قۇبىلىستارعا بولجاۋ كونسۋلتاسياسىن جاريالادى، دەپ حابارلايدى Almaty-akshamy.kz.
بۇل كۇنى اتموسفەرالىق اعىنداردىڭ وتۋىنە بايلانىستى قر-نىڭ باسىم بولىگىندە قار جاۋادى. ەلىمىزدىڭ باتىسىندا، وڭتۇستىك بولىگىندە جاۋىن-شاشىن بولادى، تاڭەرتەڭ جانە كۇندىز تاۋلى اۋداندارىندا جاڭبىر مەن قار جاۋادى، تۇمان بولادى. ەلدىڭ وڭتۇستىگىندە، باتىسىندا كوكتايعاق، سولتۇستىك بولىگىندە جاياۋ بۇرقاسىن سوعادى، باتىسىندا، وڭتۇستىك-شىعىسىندا جەلدىڭ كۇشەيۋى كۇتىلەدى.
اقمولا وبلىسىنىڭ وڭتۇستىك-شىعىسىندا جاياۋ بۇرقاسىن كۇتىلەدى. الماتى وبلىسىنىڭ وڭتۇستىگىندە تۇندە جانە تاڭەرتەڭ تۇمان بولادى، الاكول اۋدانىندا جەل 17-22 م/س كۇشەيەدى.
تۇركىستان وبلىسىنىڭ وڭتۇستىگىندە، باتىسىندا جانە تاۋلى اۋداندارىندا تۇمان، كوكتايعاق كۇتىلەدى، تاۋلى اۋداندارىندا جەل 15-20 م/س كۇشەيەدى.
باتىس قازاقستان وبلىسىنىڭ وڭتۇستىك-باتىسىندا تۇمان، كوكتايعاق، وبلىستىڭ سولتۇستىگىندە جاياۋ بۇرقاسىن، جەلدىڭ كۇشەيۋى 15-20، وبلىستىڭ سولتۇستىگىندە، شىعىسىندا ەكپىنى 23-28 م/س كۇتىلەدى.
اتىراۋ وبلىسىنىڭ سولتۇستىك-باتىستا تۇمان، كوكتايعاق، وبلىستىڭ باسىم بولىگىندە جەل 15-20 م/س كۇتىلەدى.
ماڭعىستاۋ وبلىسىنىڭ باتىسىندا، سولتۇستىگىندە جەلدىڭ كۇشەيۋى 15-20 م/س كۇتىلەدى. كۇندىز اقتوبە وبلىسىنىڭ سولتۇستىك-باتىسىندا جاياۋ بۇرقاسىن، جەلدىڭ كۇشەيۋى 15-20 م/س كۇتىلەدى.
قوستاناي وبلىسىنىڭ سولتۇستىگىندە، سولتۇستىك قازاقستان وبلىسىنىڭ وڭتۇستىك-باتىسىندا، پاۆلودار وبلىسىنىڭ شىعىسىندا، قاراعاندى وبلىسىنىڭ شىعىسى مەن وڭتۇستىگىندە تۇمان كۇتىلەدى.
شىعىس قازاقستان وبلىسىنىڭ وڭتۇستىگىندە، باتىسىندا جەلدىڭ كۇشەيۋى 15-20 م/س، تۇندە وبلىستىڭ سولتۇستىگىندە، ورتالىعىندا تۇمان كۇتىلەدى.
جامبىل وبلىسىنىڭ سولتۇستىگىندە، تاۋلى اۋداندارىندا كوكتايعاق، تۇمان، تاۋلى اۋداندارىندا جەلدىڭ كۇشەيۋى 15-20 م/س كۇتىلەدى.
قىزىلوردا وبلىسىنىڭ وڭتۇستىگىندە تۇندە كوكتايعاق كۇتىلەدى.