رەسپۋبليكا بويىنشا جەلدىڭ كۇشەيۋى، تۇمان، كوكتايعاق، سولتۇستىكتە، شىعىستا بۇرقاسىن كۇتىلەدى
"قازگيدرومەت" قازاقستان ايماقتارىندا 2022 جىلعى 24 ناۋرىزدا بولاتىن ەرەكشە مەتەورولوگيالىق قۇبىلىستارعا بولجاۋ كونسۋلتاسياسىن جاريالادى، دەپ حابارلايدى Almaty-akshamy.kz.
سيكلون جىراسى بۇرىنعىسىنشا ق ر سولتۇستىك وڭىرلەرىنە ىقپال ەتەتىن بولادى، سونداي-اق فرونتالدى بولىكتەردىڭ وتۋىمەن ەلدىڭ سولتۇستىگىندە، شىعىسىندا جاۋىن شاشىن، سولتۇستىگىندە، شىعىسىندا قار تۇرىندە، ال وڭتۇستىكتىڭ تاۋلى اۋداندارىندا قاتتى جاۋىن-شاشىن (جاڭبىر، قار) وتەدى.
ەلىمىزدىڭ باتىسىندا عانا جاۋىن-شاشىنسىز اۋا رايى كۇتىلەدى. رەسپۋبليكا بويىنشا جەلدىڭ كۇشەيۋى، تۇمان، كوكتايعاق، سولتۇستىكتە، شىعىستا بۇرقاسىن كۇتىلەدى.
اقمولا وبلىسىنىڭ باسىم بولىگىندە جەلدىڭ جىلدامدىعى 15-20 م/س، سولتۇستىگىندە، شىعىسىندا ەكپىنى 23-28 م / س، سولتۇستىگىندە، شىعىسىندا جاياۋ بۇرقاسىن، كوكتايعاق كۇتىلەدى. سولتۇستىك قازاقستان وبلىسىندا جەلدىڭ جىلدامدىعى 15-20، ەكپىنى 23-28 م/س، سولتۇستىگىندە، شىعىسىندا بۇرقاسىن، كوكتايعاق كۇتىلەدى.
پاۆلودار وبلىسىندا تۇندە وبلىستىڭ سولتۇستىگىندە، كۇندىز وبلىستىڭ باسىم بولىگىندە 15-20، وبلىستىڭ باتىسىندا ەكپىنى 25 م / س، سولتۇستىگىندە جاياۋ بۇرقاسىن، كۇندىز وبلىستىڭ سولتۇستىگىندە كوكتايعاق كۇتىلەدى.
قاراعاندى وبلىسىنىڭ سولتۇستىگىندە، شىعىسىندا جەل 15-20 م/س ، كۇندىز ەكپىنى 23 م/س بۇرقاسىنمەن، كۇندىز كوكتايعاق بولادى. شىعىس قازاقستان وبلىسىنىڭ سولتۇستىگىندە بۇرقاسىن كۇتىلەدى، جولداردا كوكتايعاق بولادى، جەل 15-20 م/س كۇشەيەدى.
قوستاناي وبلىسىندا سولتۇستىكتە جاياۋ بۇرقاسىن، وبلىستىڭ باتىسى مەن وڭتۇستىگىندە تۇمان، وبلىستىڭ سولتۇستىگىندە جانە شىعىسىندا جەل ەكپىنى 15-20 م/س كۇشەيۋى كۇتىلەدى. اقتوبە وبلىسىنىڭ سولتۇستىگىندە، ورتالىعىندا تۇمان تۇسەدى، وبلىستىڭ تۇندە ورتالىعىندا، كۇندىز سولتۇستىك-شىعىسىندا جەل كۇشەيەدى ەكپىنى 18 م/س جەتەدى.
الماتى وبلىسىنىڭ وڭتۇستىگىندە، شىعىسىندا جانە تاۋلى اۋداندارىندا تۇمان، كوكتايعاق كۇتىلەدى، وبلىستىڭ وڭتۇستىگىندە جانە شىعىسىندا جەل 15-20، ەكپىنى 25 م/س كۇشەيەدى. تۇركىستان وبلىسىنىڭ سولتۇستىگىندە جانە تاۋلى اۋداندارىندا تۇمان، كۇندىز تاۋلى اۋدانداردا جەل 15-20 م/س كۇشەيەدى.
جامبىل وبلىسىنىڭ وڭتۇستىگىندە، تاۋلى اۋداندارىندا تۇمان، كوكتايعاق كۇتىلەدى، تاۋلى اۋدانداردا جەل 15-20 م/س كۇشەيەدى.
ماڭعىستاۋ وبلىسىنىڭ كۇندىز باتىسىندا، وڭتۇستىگىندە 15-20 م/س جەل كۇشەيەدى.
اتىراۋ وبلىسىنىڭ باتىسىندا، شىعىسىندا جانە باتىس قازاقستان وبلىسىنىڭ وڭتۇستىك-باتىسىندا، سولتۇستىگىندە تۇمان كۇتىلەدى.