كونكۋرس باستالدى.
الماتىدا 2021 جىلدىڭ 23 تامىزىنان باستاپ «بيۋدجەتكە قاتىسۋ» جوباسى بويىنشا ۇسىنىستار قابىلداۋ باستالادى. الماتىلىقتار 1 قازانعا دەيىن budget.open-almaty.kz پورتالى ارقىلى ۇسىنىس بەرە الادى، دەپ حابارلايدى Almaty-akshamy.kz.
جوبا الماتىنىڭ 8 اۋدانىنىڭ ءارقايسىسىنا قالالىق بيۋدجەتتەن 800 ملن تەڭگەدەن (جوبانىڭ جالپى سوماسى 6،4 ملرد تەڭگە) ءبولۋدى كوزدەيدى.
الماتىلىقتاردىڭ وزدەرى اشىق داۋىس بەرۋ ارقىلى قالا بيۋدجەتىن قانداي باستامالارعا باعىتتاۋ كەرەكتىگىن انىقتايدى. يدەيا اۆتورلارىنىڭ وتىنىمدەرىنە الماتى قالاسى قوعامدىق كەڭەسىنىڭ مۇشەلەرى، ساراپشىلار، ءماسليحات دەپۋتاتتارى، ۇەۇ وكىلدەرى دە ءوز باعالارىن بەرەدى.
جوبالىق ۇسىنىستار budget.open-almaty.kz پورتالى ارقىلى قابىلدانادى. ول ءۇشىن ءوتىنىمدى تولتىرۋ قاجەت (جوبالىق ۇسىنىستىڭ اتاۋى، ونىڭ سيپاتتاماسى، نىساننىڭ مەكەنجايى)، جوبالىق ۇسىنىستىڭ ەسكيزى مەن سمەتاسىن مىندەتتى تۇردە بەكىتۋ قاجەت (باعدارلى بولۋى مۇمكىن). سونداي-اق قالاساڭىز، اعىمداعى كۇي مەن پرەزەنتاسيالاردىڭ فوتوسۋرەتتەرىن قوسۋ مۇمكىندىگى بار. ءبىر جوبانىڭ قۇنى 58،3 ملن تەڭگەدەن اسپاۋى ءتيىس.
جوبالىق ۇسىنىستار كەلەسى ولشەمدەرگە سايكەس بولۋى كەرەك:
• ءبىر اۆتور - ءبىر ءوتىنىم - ءبىر نىسان؛
• ورتاق پايدالانۋ نىسانى؛
• نىسان وتكىزۋ جوسپارلانعان اۋدان اۋماعىندا، جالپى، قولدانىستاعى جەر تەلىمىندە ورنالاسۋى؛
• اكىمدىك قۇزىرەتى شەگىندە بولۋ جانە ت. ب.
قاراۋعا قابىلدانبايتىن جوبالىق ۇسىنىستار:
• قۇرىلىس-مونتاجداۋ جۇمىستارىن جۇرگىزبەستەن، تەك جسق ازىرلەۋگە ەسەپتەلگەن؛
• فراگمەنتتىك (بولاشاقتا قوسىمشا ەلەمەنتتەردى ىسكە اسىرۋدى تالاپ ەتەتىن)؛
• الماتىنى دامىتۋ باعدارلاماسى مەن ق ر زاڭناماسىنا سايكەس كەلمەيتىن؛
• كوممەرسيالىق سيپاتتاعى جانە ت. ب.
اۋداندىق اكىمدىكتەردىڭ ساراپتامالىق كوميسسيالارى «حالىقتىڭ بيۋدجەتكە قاتىسۋ» جوباسىنىڭ ۇيىمداستىرۋ جانە وتكىزۋ تۋرالى ەرەجەلەر تالاپتارىنا سايكەس، قازاقستان رەسپۋبليكاسىنىڭ زاڭناماسىنا جانە الماتى قالاسىنىڭ دامۋ باعدارلاماسىنا سايكەس كەلەتىن جوبالاردى ىرىكتەيدى. اۋدان اكىمدىگىنىڭ ساراپتاما كوميسسياسىنىڭ دەربەس قۇرامىن اۋدان اكىمى قالىپتاستىرادى جانە بەكىتەدى.
ساراپتاۋ كوميسسياسىنىڭ قۇرامىنا مىنالار كىرەدى:
• كەمىندە ءماسليحاتتىڭ ەكى دەپۋتاتى؛
• اۋداندىق ساۋلەتشى؛
• قۇرىلىس سالاسىنداعى مامان؛
• قۇرىلىس جوبالارى بويىنشا شىعىندار سمەتاسىن جاساۋ بويىنشا جۇمىس تاجىريبەسى بار مامان؛
• الماتى قالاسى قوعامدىق كەڭەسىنىڭ كەمىندە ءتورت وكىلى؛
• قوعامدىق ۇيىمداردىڭ كەمىندە ءتورت وكىلى.
«بيۋدجەتكە قاتىسۋ» تۋرالى كەڭەستى نەمەسە اقپاراتتى الماتى قالاسىنىڭ اۋداندىق اكىمدىكتەرىنەن، الماتى قالاسى اكىمدىگىنىڭ «Open Almaty» قوعامدىق قابىلداۋ بولمەسىنە 224 39 29 (ىشكى. 203، 139)، 1308، 338 33 88 تەلەفون نومىرلەرى ارقىلى حابارلاسا الاسىز.