توتەنشە جاعدايلار مينيسترلىگى «قىس-2024» رەسپۋبليكالىق جاتتىعۋىن وتكىزەدى، دەپ حابارلايدى aqshamnews.kz.
2024 جىلعى 21-22 قاراشا ارالىعىندا ەلىمىزدە «ازاماتتىق قورعاۋدىڭ مەملەكەتتىك جۇيەسىنىڭ باسقارۋ ورگاندارى مەن كۇشتەرىن قىسقى كەزەڭدەگى توتەنشە جاعدايلاردىڭ الدىن الۋ جانە ولاردى جويۋ جونىندەگى ءىس-قيمىلدارعا دايىنداۋ» تاقىرىبىندا «قىس-2024» رەسپۋبليكالىق كوماندالىق-شتابتىق وقۋ-جاتتىعۋى وتكىزىلەدى.
وقۋ-جاتتىعۋدىڭ رەسپۋبليكالىق شتابى كوكشەتاۋ قالاسىندا ورنالاسقان.
وقۋ-جاتتىعۋعا جەرگىلىكتى اتقارۋشى ورگاندار، ورتالىق مەملەكەتتىك ورگاندار، رەسپۋبليكالىق جانە وبلىستىق قىزمەتتەر مەن ازاماتتىق قورعاۋ قۇرالىمدارى، ق ر تجم اۋماقتىق بولىمشەلەرى تارتىلادى.
وقۋ-جاتتىعۋ ناتيجەلەرى بويىنشا وبلىستىق ازاماتتىق قورعاۋدىڭ مەملەكەتتىك جۇيەسىنىڭ قىسقى كەزەڭدەگى ىقتيمال تج سالدارىن جويۋعا دايىندىعى باعالاناتىن بولادى.
پراكتيكالىق ءىس-شارالار ەلىمىزدىڭ بارلىق وڭىرلەرىندە وتكىزىلەتىن بولادى.
ركشوج شەڭبەرىندە ازاماتتىق قورعاۋ قۇلاقتاندىرۋ جۇيەسىن تەكسەرۋ جۇرگىزۋ جوسپارلانعان.
21 قاراشا ساعات 11:00-دە ەلەكتردابىلدارى مەن دابىلدى-سويلەۋ قۇرىلعىلارى ىسكە قوسىلادى، سونداي اق تەلەديدار جانە راديوارنالاردىڭ ەفيرى قارمالادى. بۇل ءىس-شارا حالىقتىڭ «بارشانىڭ نازارىنا!» ءبىرىڭعاي قۇلاقتاندىرۋ سيگنالىنا دەن قويۋ ءتارتىبىن داعدىلاندىرۋ ماقساتىندا وتكىزىلەدى.