پاۆلودارلىق پوليسەيلەر جوعالعان ءۇيىر جىلقىنى تاپتى، مال يەلەرى ءبىر اپتا بويى 45 جىلقىنى ءوز بەتتەرىمەن ىزدەگەن، دەپ حابارلايدى اlmaty-akshamy.kz Pavlodarnews.kz تىلشىسىنە سىلتەمە جاساپ.
ارتىنشا شارۋا قوجالىعىنىڭ باسشىسى، مەرعالىم اۋىلىنىڭ تۇرعىنى وبلىستىق ىشكى ىستەر دەپارتامەنتىنە جۇگىنەدى.
جىلقىلاردىڭ جالپى قۇنى 21 ميلليون تەڭگەنى قۇرايدى.
جەدەل ىزدەستىرۋ شارالارى بارىسىندا ءبولىم باستىعىنىڭ ءبىرىنشى ورىنباسارى ناريمان ومارحانوۆ پەن ۋچاسكەلىك پوليسيا ينسپەكتورىنىڭ كومەكشىسى جۇماجان قۇنانبايەۆ كورشى وبلىسپەن شەكارادا جوعالعان ءۇيىردى تاپتى. بارلىق جىلقىلار يەسىنە قايتارىلدى.
«مالىمدى ۇرلاپ كەتتى، تابىلمايدى دەپ ويلادىم. پوليسياعا حابارلاسقانىمدا از-ماز ءۇمىت پايدا بولدى. پوليسيا: «ۋايىمداما، جىلقىلارىڭدى تابامىز» دەدى. ىزدەۋگە اتسالىسقانداردىڭ بارلىعىنا ۇلكەن راحمەت»، - دەدى مال يەسى اسەت بورانبايەۆ ءتارتىپ ساقشىلارىنا العىسىن ءبىلدىرىپ.
ناريمان ومارحانوۆتىڭ ايتۋىنشا، ىزدەستىرۋ جۇمىستارى سوڭعى جايىلىمنىڭ ماڭىندا ءوتىپ، قاردان ءىز كەسكەن. ءبىر كۇننەن كەيىن ءتارتىپ ساقشىلارى جوعالعان ءۇيىردى تاۋىپ الدى.