دەگەنمەن الەم بويىنشا شىلىمقورلار سانى ازايىپ كەلەدى.
بۇگىندە كۇللى الەم بويىنشا 1،25 ملرد ەرەسەك ادام شىلىم شەگەدى، الايدا، سوڭعى جىلدارى تەمەكى ونىمدەرىن تۇتىنۋ دەڭگەيى جىلدان جىلعا تومەندەپ كەلەدى، دەپ حابارلايدى Almaty-akshamy.kz.
بۇل جايىندا islam.kz پورتالى ءوز كەزەگىندە بىرىككەن ۇلتتار ۇيىمىنىڭ جاڭالىقتار قىزمەتىنە ءجون سىلتەگەن forbes.kz اقپارات كوزىنە سىلتەمە جاساي وتىرىپ ءمالىم ەتەدى.
دالىرەگى، ادامزاتتىڭ ءاربىر بەسىنشى ەرەسەك تۇرعىنى تەمەكى تارتادى، ال 2000 جىلى ادامزاتتىڭ ءاربىر ءۇشىنشىسى شىلىم شەگەتىن. باياندامادا كەلتىرىلگەن دەرەككە قاراعاندا، 150 مەملەكەت تەمەكى ونىمدەرىن تۇتىنۋ دەڭگەيىن تومەندەتە العان. بۇل تاراپتا برازيليا مەن نيدەرلاندى دۇنيەجۇزىلىك دەنساۋلىق ساقتاۋ ۇيىمىنىڭ تەمەكىگە قارسى كۇرەس شارالارىن ەنگىزگەننەن كەيىن تابىسقا قول جەتكىزگەن: برازيليا 2010 جىلدان بەرى تەمەكى تارتاتىن تۇرعىندار قاراسىن 35 پايىزعا، ال نيدەرلاندى 30 پايىزعا دەيىن تومەندەتە العان. ال شىلىمقور تۇرعىندارى بويىنشا كونگو، مىسىر، يندونەزيا، يوردانيا، ومان جانە مولدوۆا كوش باستاپ تۇر. قازىرگى ۋاقىتتا تەمەكى ونىمدەرىن پايدالانۋدىڭ ەڭ جوعارى دەڭگەيى وڭتۇستىك-شىعىس ازيا ايماعىندا بايقالادى، وندا حالىقتىڭ 26،5 پايىزى شىلىم شەگەدى. ەكىنشى ورىندا ەۋروپا - حالىقتىڭ 25،3 پايىزى تەمەكى ونىمدەرىن تۇتىنادى. ساراپشىلاردىڭ ايتۋىنشا، 2030 جىلعا قاراي تەمەكى ونىمدەرىن تۇتىنۋمەن بايلانىستى اۋرۋلاردان زارداپ شەگەتىندەر قاراسى كوبەيەدى. دۇنيەجۇزىلىك دەنساۋلىق ساقتاۋ ۇيىمىنىڭ ەسەبى بويىنشا 2025 جىلعا قاراي الەم تەمەكى ونىمدەرىن تۇتىنۋدىڭ 2010 جىلعى دەڭگەيمەن سالىستىرعاندا 25 پايىزعا ازايتادى.