قازاقستاننىڭ تۋريستىك ايماقتارىندا ءموبيلدى بايلانىس پەن ينتەرنەتپەن قامتۋ كەڭەيتىلۋدە
مەملەكەت باسشىسىنىڭ تاپسىرماسىن ورىنداۋ اياسىندا ەلىمىزدىڭ ءۇش نەگىزگى تۋريستىك وڭىرىندە سيفرلىق ينفراقۇرىلىمدى دامىتۋ بويىنشا كەشەندى جۇمىس جۇرگىزىلۋدە.
بۇل تۋرالى ۇكىمەت وتىرىسىندا سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ مالىمدەدى، دەپ حابارلايدى aqshamnews.kz.
اتالعان شارالار ۇيالى بايلانىس پەن ينتەرنەتتى قامتاماسىز ەتۋدى، جاڭا Wi-Fi نۇكتەلەرىن ورناتۋدى، انتەننا-دىڭگەك قۇرىلىستارىن سالۋدى جانە تالشىقتى-وپتيكالىق جەلىلەرگە قوسىلۋدى قامتيدى.
الماتى وڭىرىندە شىمبۇلاق كۋرورتى جوعارى جىلدامدىقتى ينتەرنەتپەن جانە قوسىمشا Wi-Fi نۇكتەلەرىمەن (مەدەۋدى قوسا العاندا) قامتاماسىز ەتىلگەن. 2029 جىلعا دەيىن قاسكەلەڭ جانە تۇرگەن ۋچاسكەلەرىندە بايلانىس جەلىلەرىن دامىتۋ جوسپارلانعان.
اقتاۋدا 2024 جىلى 76 4G بازالىق ستانساسى ورناتىلىپ، 67ء-سى جاڭعىرتىلدى. 2025 جىلدىڭ سوڭىنا قاراي قالادا 5G قامتۋدى 60%-عا دەيىن جەتكىزۋ جوسپارلانۋدا.
ششۋچينسك-بۋراباي كۋرورتتىق ايماعىندا بۋراباي جانە ششۋچەدەگى قوناقۇيلەر مەن تۋريستىك ورىندارىندا انتەننا-دىڭگەك قۇرىلىستارى مەن Wi-Fi-نۇكتەلەرى ورناتىلادى.