وپتيكا ينفراقۇرىلىمى 90 پايىزعا ارتادى.
الداعى بەس جىلدا 5G تەحنولوگياسىمەن استانا، الماتى جانە شىمكەنتتى 75 پايىز قامتۋ جوسپارلانعان. بۇل تۋرالى ۇكىمەت وتىرىسىندا ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى Almaty-akshamy.kz inbusiness.kz سىلتەمە جاساپ.
"جاڭا سيفرلىق مۇمكىندىكتەر باعىتى بويىنشا بارلىق قالالار مەن اۋدان ورتالىقتارىندا كەڭ جولاقتى ينتەرنەتتى قامتاماسىز ەتۋ جوسپارلانعان. بۇگىنگى ۇيالى بايلانىس بويىنشا جاعدايعا كوز سالساق، 3G تەحنولوگياسى بويىنشا 3 مىڭنان استام ەلدى مەكەن، 4G - 1 628 ەلدى مەكەن قامتىلعان، ال 5G مۇلدەم جوق. مىس كابەلىمەن وتكىزىلگەن سىمدى بايلانىس 34 پايىزدى، ال وپتيكا 26 پايىزدى قۇراپ وتىر. الەمدە مىس كابەلى مەن 3G تەحنولوگياسىنىڭ ەسكىرۋىن نازارعا الىپ، 2027 جىلعا دەيىن ولاردى تۇپكىلىكتى اۋىستىرامىز. سونداي-اق، موبيلدىك 4G تەحنولوگيانى 100 پايىزعا جەتكىزىپ، ال وپتيكا ينفراقۇرىلىمىن 90 پايىزعا ارتتىرامىز"، – دەدى مينيستر.
ونىڭ ايتۋىنشا، 2027 جىلعا دەيىن 5G تەحنولوگياسىمەن استانا، الماتى جانە شىمكەنتتى 75 پايىز قامتۋ، ال وبلىس ورتالىقتارىن 60 پايىز قامتۋ جوسپارلانعان.
"2027 جىلعا دەيىن جولدار 100 پايىزى ينتەرنەت جانە ۇيالى بايلانىسپەن قامتىلادى"، - دەدى باعدات مۋسين.