«عالامدىق ونەركاسىپ اناليتيكاسى» اتتى زەرتتەۋ كومپانياسى وسىنداي بولجام جاريالادى، دەپ حابارلايدى almaty-akshamy.kz
ءقازىردىڭ وزىندە قىزمەت كورسەتۋگە جانە ءوندىرىس جۇمىستارىنا ارنالعان روبوتتارعا سۇرانىس كۇننەن كۇنگە ارتىپ بارادى. لوندوننىڭ وڭتۇستىك-شىعىسىنداعى الىپ قويمادا 2 مىڭنان استام روبوت جۇمىس ىستەيدى. بەينە ءبىر الاڭدا دوپ ويناعان فۋتبولشىلار سياقتى. ءبىر سەكۋندتا 4 مەتر اۋماقتا قوزعالا الاتىن قۇرىلعىلار ونلاين ازىق-تۇلىك سۋپەرماركەتىنە تاپسىرىس بەرگەن تۇتىنۋشىلارعا كەرەگىن تاۋىپ، جيناپ، سالىپ، كولىككە تيەپ جىبەرەدى.
ءقازىر بۇل روبوتتارعا حالىقارالىق بيزنەسمەندەر تاراپىنان قىزىعۋشىلىق جوعارى. سەبەبى پاندەميادان كەيىنگى كەزەڭدە جۇمىس كۇشىنىڭ تاپشى بولاتىن ءتۇرى بار. ال قىزمەتكەر قاتارى ازايعان سايىن سۇرانىس پەن جالاقى دا وسپەك. ءقازىردىڭ وزىندە اقش، جاپونيا، فرانسيا سياقتى 9 ەل ساتىپ الۋ تۋرالى شارتقا قول قويعان. تولىق اۆتوماتتاندىرىلعان قويما 10 جىلداي بۇرىن 310 ميلليون دوللارعا سالىنعان.