2025 جىلدىڭ 1-10 ءساۋىرى ارالىعىندا الماتى قالاسىندا شاحماتتان ايماقتىق ازيا چەمپيوناتى (ەرلەر مەن ايەلدەر)، وتەدى، دەپ حابارلايدى aqshamnews.kz
چەمپيونات قازاقستان شاحمات فەدەراسياسى جانە ازيا شاحمات فەدەراسياسى مەن حالىقارالىق شاحمات فەدەراسياسى ۇيىمداستىرىپ وتىر.
چەمپيوناتقا 3.4 ايماعى قۇرامىنا كىرەتىن، FIDE-گە اففيليرلەنگەن بارلىق ۇلتتىق شاحمات فەدەراسيالارى قاتىسا الادى. ءار فەدەراسيا ەكى شاقىرىلعان قاتىسۋشىنى (ءبىر ەر ادام جانە ءبىر ايەل) تىركەي الادى، سونداي-اق ەرلەر ءۇشىن رەيتينگ 2000، ايەلدەر ءۇشىن 1600 باللدان تومەن ەمەس قوسىمشا قاتىسۋشىلاردى تىركەۋگە بولادى.
تۋرنير شۆەيساريالىق جۇيە بويىنشا وتەدى، ءبىراق قاتىسۋشىلار سانى 10-نان اسپاسا، باسقا جۇيە قولدانىلۋى مۇمكىن. ۋاقىت باقىلاۋى: العاشقى 40 جۇرىسكە 90 مينۋت، كەيىنگى ويىن بولىمىنە 30 مينۋت جانە ءار ءجۇرىس سايىن 30 سەكۋندتىق قوسىمشا ۋاقىت بەرىلەدى.
قاتىسۋشىلاردى تىركەۋ 2025 جىلدىڭ 1 ناۋرىزىندا باستالادى.