الماتىدا شوب قالاي دامىپ جاتىر: اكىمدىكتە 2025 جىلى جوبالاردى قولداۋ تۋرالى ايتىلدى
2025 جىلى الماتىدا شاعىن جانە ورتا بيزنەستى دامىتۋعا بيۋدجەتتەن 71 ملرد تەڭگە بولىنبەك. بۇل سوما، ونىڭ ىشىندە جەرگىلىكتى بيۋدجەتتىڭ قارجىلاندىرۋىن 2،5 ەسەگە ارتتىرۋ ارقىلى 52،6 ملرد تەڭگەگە جەتكىزىلمەك. قارجى جالپى 4 مىڭ جوبانى، ونىڭ ىشىندە 2 مىڭ جاڭا جوبانى قولداۋعا مۇمكىندىك بەرەدى. بۇل تۋرالى الماتى قالاسىنىڭ كاسىپكەرلىك جانە ينۆەستيسيالار باسقارماسى حابارلادى.
بۇگىندە بۇل سالادا قالاد جۇمىس ىستەيتىندەردىڭ 85%-دان استامى، ياعني شامامەن 942 مىڭ الماتىلىق ەڭبەك ەتەدى.
ايتا كەتەيىك، الماتىدا شاعىن جانە ورتا بيزنەستىڭ ەكونوميكاعا قوساتىن ۇلەسىن 2024 جىلعى 60%-دان 2030 جىلعا قاراي 75%-عا دەيىن ارتتىرۋ جوسپارلانىپ وتىر.
ەسكە سالا كەتەيىك، 2024 جىلى 2،5 مىڭ جاڭا جوبانى قولداۋعا بيۋدجەتتەن 53،1 ملرد تەڭگە بولىنگەن بولاتىن.